Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Бу ҝүн, 1394-ҹү ҝүнәш или, хордад аjынын он дөрдү, 1436-ҹы һиҹри гәмәри или шәбан аjынын он алтысы вә 2015-ҹи милад или иjунун дөрдү, Иран Ислам Республикасынын баниси Имам Хомеjни(р.ә)-ин вәфатынын 26-ҹы илдөнүмү ҝүнүдүр.
26 ил бундан өнҹә белә бир ҝүндә Иран Ислам Ингиалбынын Даһи Рәһбәри Имам Руһуллаһ Мусәви Хомеjни(р.ә.) 87 ил jорулмаз вә чох фәал бир һәjатдан сонра ҝөзләрини дүнjаjа jумду вә Һагг-Тааланын ҝөрүшүнә тәләсди.
Имам Хомеjни(р.ә) өз мүбаризәләринә 1342-ҹи һиҹри шәмси илиндән мүстәбид шаһлыг режими вә Американын Ирандакы мүдахиләләри илә мүбаризә илә башлады вә нәһәjәт шаһ режими тәрәфиндән Түркиjәjә, сонра да Ирага сүрҝүн едилди.
Имам Хомеjни(р.ә) Ирагда сүрҝүндә олдуғу он үч ил әрзиндә чохлу шаҝирд jетишдирмәкдән әлавә, шаһлыг режиминин позғун маһиjjәти вә Американын Ирандакы ганунсуз тамаһкарлыгларыны ифша етди вә аjдынлашдырыҹы билдиришләр jаjараг, Ислам Ингилабынын зәфәр чалмасына шәраит jаратды. Нәһаjәт, мүбаризәнин jүксәлиши вә Имам(р.ә)-ин Франсаjа һиҹрәт етмәси, сонрадан исә Ирана әзәмәтли гаjыдышы Ислам Ингилабынын 1357-ҹи ҝүнәш илиндә зәфәр чалмасы илә нәтиҹәләнди. Ислам Ингилабынын гәләбәсиндән сонра фөвгәлгүдрәтләр, ингилабын дахили вә хариҹи дүшмәнләринин фитнәләринә, о ҹүмләдән Ирагын БӘС режиминин Ирана гаршы мүһарибәсинә рәғмән, Имам Хомеjни(р.ә) о дөврүн сәрт шәраитиндә Иран халгына мәтанәт вә шүҹаәтлә рәһбәрлик етди. Бу ҝүн Имам Хомеjни(р.ә)-ин мәгбәрәсиндә о һәзрәтин вәфатынын 26-ҹы илдөнүмү ҝүнү мәрасими кечириләҹәк. Иранын һәр jериндән ҝәлән халг күтләләри вә мүхтәлиф өлкәләрдән ҝәлмиш зәввар вә гонагларын иштирак едәҹәкләри бу мәрасим Ислам Ингилабынын Бөjүк Рәһбәринин чыхышы илә кечириләҹәк
Диггәт: Хәбәрдән истифадә етдикдә мәнбәjә истинад лазымдыр
