Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Иран Ислам Республикасы реҝиону нәзарәт алтында сахламаг вә һәр һансы бир дөвләтә һүҹум етмәк ниjjәтиндә деjил.
Бу сөзләри Иранын хариҹи ишләр назири Мәһәммәд Завад Зәриф Алманиjанын “Шпиҝел” журналына вердиjи мүсаһибәсиндә деjиб.
Назир билдириб ки, реҝионун бәзи дөвләтләри Ирана гаршы тәтбиг едилән игтисади санксиjаларын арадан галдырылмасыны истәмирләр. “Онлар горхурлар Иран бөлҝәни нәзарәт атына алыб диҝәр дөвләтләрә тәзjиг едәҹәк. Лакин рәсми Теһран нүвә програмы илә әлагәдар данышыглар просесинә башламагла диҝәр дөвләтләрә тәсир етмәк jох, дүнjаjа интеграсиjа етмәк мәгсәдләрини ҝүдүр”, - деjә о билдириб.
М.З. Зәрифин сөзләринә ҝөрә, нүвә програмы илә әлагәдар апарылан данышыгларда “алтылыг” дөвләтләри ваһид мөвгедән чыхыш етмирләр: “Лозаннада кечирилән ҝөрүшләрдә үмуми принсипләр разылашдырылыб. Инди исә имзаланмасы нәзәрдә тутулан jекун мүгавиләнин мәтни үзәриндә иш апарылыр. Бу мәтнин маддәләри елә һазырланмалыдыр ки, сәнәд Иранла jанашы, АБШ-ы, Франсаны, Бөjүк Британиjаны, Чини, Алманиjаны вә Авропа Иттифагынын диҝәр үзвләрини гане етсин”.
Иранлы назир данышыгларын тәрәфләр үчүн уғурла нәтиҹәләнәҹәjинә инандығыны билдириб.
Диггәт: Хәбәрдән истифадә етдикдә мәнбәjә истинад лазымдыр
