Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Иран Ислам Республикасынын Әрдәбил әјаләтинин Ҹүмә Намазына Рәһбәрлик едән, Имам Хаменеи һәзрәтләринин сәлаһијјәтли нүмајәндәси Ајәтуллаһ Сејјид Амили өтән һәфтә Ҹүмә Намазы хүтбәләриндә Америка, Авропа вә БМТ-н Сурија, Јәмән вә Ирагда сәләфиләр тәрәфиндән төрәдилән ҹинајәтләр гаршысында сүкут етмәсини, һабелә онларын сәләфи дүшмән гүввәләринә дәстәк вермәләрини мәһкум едәрәк билдириб: “АБШ, Гәрб вә БМТ мәһз Ислам өлкәләринин зәифләмәсини вә бу өлкәләрин инфраструктурларынын арадан ҝетмәсини, Орду Гүввәләринин мәһв олмасыны, ҝәнҹләрин арадан ҝетмәсини истәјир. Она ҝөрә дә Јәмән, Сурија вә Ирагда баш верән ҹиајәтләрә лагејд јанашырлар.”
Имам Хаменеи һәзрәтләринин Әрдәбил әјаләтдәки сәалһијјәтли нүмајәндәси бир нечә ҝүн пнҹә президент Владимир Путинин “Америка Азәрбајҹан вәһабиләрилә әлагәдәдир вә онлардан өз мәгсәдләри үчүн истифадә едир” дејә ифша етдији мөзуја ишарә едәрәк демишдир: “Бу, бизим үчүн хәбәрдарлыг вә сон дәрәҹә тәһлүкәлидир. Доғрудан да АБШ Азәрбајҹан вәһабиләрини вә ИШИД-ләрини һимајә едирсә, онда сәрһәдләримизин әмин-амнлығы арадан ҝедәҹәкдир.”
Диггәт: Хәбәрдән истифадә етдикдә мәнбәјә истинад лазымдыр
