Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Чәршәнбә ҝүнү ахшам Москва Китаб Евиндә мәшһур рус јазычысы Олег Ројун шәһид командир Маршал Һаҹы Гасым Сүлејманинин характериндән бәһс едән “Чаггаллар Ширә галиб ҝәлә билмәз” адлы јени романынын тәгдимат мәрасими кечирилиб.
Мәрасим Москва Китаб Евиндә Иранын Русијадакы сәфири, Казым Ҹәлалинин, китабын мүәллифинин, китабсевәрләрин вә Русија мәдәнијјәти достларынын әламәтдар топлантысынын иштиракы илә кечирилиб.
Олег Рој јазычы, ссенарист, продүсер, иҹтимаи фәал, Русија Китаб Иттифагынын Руһани вә Вәтәнпәрвәрлик Тәрбијәси Комитәсинин сәдри, бөјүкләр үчүн 90-дан чох романын, ушаг вә јенијетмәләр үчүн 250-дән чох китабын мүәллифи, Русијада вә хариҹдә мәшһур ҹизҝи сериалларынын јарадыҹысыдыр.
Онун јени романы ҝөркәмли Иран командири вә ҝенералы, ады тәкҹә Гәрби Асијада дејил, бүтүн дүнјада танынан вә һөрмәт едилән шәхсијјәт, шәһид ҝенерал Һаҹы Гасым Сүлејманинин һәјатындан бәһс едир.
Мәрасимдә Олег Рој бу романын тәдгиги вә јазылмасы илә бағлы бир ил давам едән просесдән, иранлылар вә руслар арасындакы мәдәни охшарлыглардан данышыб, тамашачыларын суалларыны ҹавабландырыб вә Һаҹы Гасым Сүлејманинин һәјаты илә бағлы тәәссүратларыны тамашачыларла бөлүшүб.
О билдирди: “Бу китабы јазмаздан әввәл сәнәдләри арашдырдым вә сонда бу китабы сәнәдли филм кими јазмамаға вә ону бәдии повест шәклиндә тамашачылара тәгдим етмәјә гәрар вердим”.
Олег Рој америкалы журналистин бу романда әсас персонажлардан бири олдуғуну гејд едәрәк дејиб: “Бу журналист Гәрб медиасынын ҝенерал Сүлејмани илә бағлы јалныш тәблиғатындан тәсирләнмишди, лакин о, АБШ-дан Гәрби Асијаја учаркән Иранын бу милли гәһрәманы һаггында она верилән мәлуматларын һамысынын јалан олдуғуну анлајыр.”
Русијалы јазычы Ҝенерал Сүлејманинин реҝионда терроризмин тәзаһүрләри илә мүбаризәсинә тохунараг, гејд едиб ки, бу китаб Ираг вә Сурија да дахил олмагла, бөлҝә халгларынын террорчу групларын һәрәкәтләринин тәсири алтында олан әзаб вә мәшәггәтләриндән, ҝенерал Сүлејманинин онлары бу проблемләрдән хилас етмәк сәјләриндән бәһс едир.
Sizin rəyiniz