Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Оманын пајтахты Маскатда баша чатмыш, Иран Ислам Республикасы илә АБШ арасында санксијаларын ләғви вә нүвә мәсәләсинә һәср олунмуш долајы данышыглар, нәшр едилмиш гијмәтләндирмәләрә ҝөрә, гаршылыглы һөрмәтә әсасланан конструктив атмосфердә кечиб вә һәр ики тәрәф данышыглары ҝәлән һәфтә давам етдирмәјә разылашыб.
Оманын васитәчилији илә кечирилән бу данышыгларда Иран Ислам Республикасынын хариҹи ишләр назири Сејјид Аббас Әрагчи вә АБШ президентинин Гәрби Асија үзрә хүсуси нүмајәндәси Стив Виткофф иштирак едибләр. Оманын хариҹи ишләр назири Ирана гаршы гејри-гануни санксијаларын ләғви вә Иранын сүлһмәрамлы нүвә програмы илә бағлы мәсәләләрдә тәрәфләрин мөвгеләрини бир-бирләринә чатдырыб.
Өлкәмизин Хариҹи Ишләр Назирлији дә Оманда Иран вә АБШ арасында кечирилән долајы данышыгларла бағлы ачыглама вериб:
“Ики саат јарымдан чох давам едән долајы данышыглардан сонра Иран вә Америка нүмајәндә һејәтләринин башчылары данышыглары тәрк едәркән Оман хариҹи ишләр назиринин иштиракы илә бир нечә дәгигә данышыблар”.
Sizin rəyiniz