Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Иран Ислам Республикасынын Президенти, Зати Алиләри Мәсуд Пеззәкјан Јәмәнин Әл-Мәсирә хәбәр шәбәкәсинә вердији мүсаһибәдә дејиб: Јәмәнин әзиз, ҝүҹлү, дөзүмлү вә сәбирли халгыны Фитр бајрамы мүнасибәтилә тәбрик едирәм.
Доктор Пезешкијан әлавә едиб: Јәмән халгына дејирик ки, биз бүтүн гәлбимиз вә нијјәтимизлә сизинләјик вә сизә гәләбә арзулајырыг.
Бундан әввәл Иранын хариҹи ишләр назири Аббас Әрагчи Әл-Мәсирә Хәбәр Шәбәкәсинә вердији мүсаһибәдә бүтүн дүнја мүсәлманларыны, хүсусилә дә Јәмән халгыны Фитр бајрамы мүнасибәтилә тәбрик едиб вә демишдир: Гәһрәман јәмәнлиләр өз мәгсәдләрини шиддәтлә вә шүҹаәтлә мүдафиә едирләр вә бу америкалылардыр ки, Јәмәнә һүҹум едибләр; Чүнки онлар Сәнанын галиб ҝәлдијини вә мүгавимәт ҝөстәрдијини ҝөрдүләр.
Ҹәнаб Әрагчи вурғулајыб: Јәмәнин ишғалы уғурсузлуға дүчар олаҹаг. 10 илдир ки, онлар Јәмән халгынын ирадәсини мәғлуб етмәјә чалышырлар. Анҹаг уғурсуз олдулар. Данылмаз һәгигәт будур ки, Јәмән милләтини һүҹум вә тәҹавүзлә мәғлуб етмәк мүмкүн дејил.
Иран президентинин Јәмән халгына месажы АБШ-ын сон ҝүнләр Јәмәндә Әнсар Аллаһ һәрәкатынын нәзарәти алтында олан бөлҝәләрә һүҹумларыны мисли ҝөрүнмәмиш шәкилдә артырдығы, нәтиҹәдә чохлу сајда јәмәнлинин шәһид олмасы вә јараланмасы, инфраструктурун дағылмасы илә нәтиҹәләндији бир вахта тәсадүф едир.
Sizin rəyiniz