Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Јәмән Силаһлы Гүввәләри, Фәләстин әразиләрини ишғал етмиш фашист Исраил режиминин Јаффа шәһәриндәки Бен Гурион һава лиманыны, еләҹә дә Гырмызы дәниздә Американын “Труман” тәјјарәдашыјан ҝәмисини уғурла һәдәфә алыб.
Бу һүҹумлар баллистик ракетләр вә һүҹум дронлары илә һәјата кечирилиб.
Мәлимата ҝөрә, Јәмән Силаһлы Гүввәләри “Зүлфигар” вә “Фәләстин 2” типли ики баллистик ракетлә јәһуди фашистләринин ишғал алтындакы Јаффадакы Бен Гурион һава лиманыны һәдәф алыблар.
Һәмчинин, Әнсаруллаһ Гүввәләри диҝәр бир һүҹум тәшкил едәрәк АБШ ишғалчы гүввәләринин Гырмызы дәниздәки “Труман” тәјјарәдашыјан ҝәмиси вә бир нечә дөјүш ҝәмисини бир нечә ракет вә пилотсуз һүҹум тәјјарәләри илә һүҹума мәруз гојублар. Бу, сон 24 саат әрзиндә Јәмән вә Америка гүввәләри арасында икинҹи тоггушмадыр.
Јәмән Силаһлы Гүввәләри дәниз тоггушмасынын бир нечә саат давам етдијини вә бу мүддәт әрзиндә Јәмәнә гаршы һазырланан күтләви һава һүҹумунун гаршысынын алындығыны вурғулајыблар.
Бәјанатын башга бир һиссәсиндә Јәмән силаһлы гүввәләри дүнјанын бүтүн азад инсанларыны Фәләстин мәзлум халгына дәстәк олмагда өз дини вә әхлаги вәзифәләрини јеринә јетирмәјә чағырыб.
Бәјанатын сонунда ишғал олунмуш әразиләрин дәринликләринә доғру һүҹумларын вә ушаг гатили Исраил режим ҝәмиләринин һәрәкәтинин гаршысынын алынмасынын Гәззаја тәҹавүз вә мүһасирәјә сон гојулана гәдәр давам едәҹәји вурғуланыр.
Sizin rəyiniz