Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Ислами Мүгавимәт Һәрәкаты ҺӘМАС АБШ вә Авропанын Әл-Әгса пејк шәбәкәсинин бүтүн бејнәлхалг пејкләрдән чыхарылмасына даир бирҝә гәрарыны кәскин шәкилдә писләјиб вә буну медиа азадлығынын вә Фәләстин халгынын өз сәсини дүнјаја чатдырмаг үчүн гануни һаггынын ачыг шәкилдә позулмасы адландырыб.
Һәмас бәјанатда әлавә едиб:
“Бу гәддар гәрар халгымызын аҹыларыны, ишғалчыларын ҹинајәтләрини дүнјаја чатдыран азад Фәләстин медиасына бирбаша һүҹумдур.
Бу аддым дүшмәнин ифадә азадлығыны боғмаг, торпағымыза, мүгәддәсликләримизә гаршы мүтәшәккил терроризми ифша едән бүтүн платформалара мејданы бағламаг истигамәтиндәки уғурсуз ҹәһдләринин давамында атылан нөвбәти уғурсуз аддымыдыр.
Бу, һәм дә Фәләстин һәги гәтләрини сензураја салмаг, бејнәлхалг медиа вә журналистләрин Гәззаја дахил олмасыны әнҝәлләмәк, бөлҝәдә чалышан журналистләри гәсдән вә ардыҹыл олараг һәдәф алмаг ҹәһдидир.
Биз медианы вә бејнәлхалг хәбәр вә мәтбуат гурумларыны бу гәрары писләмәјә вә ишғал режиминин бејнәлхалг һүгуга вә һуманитар принсипләрә зидд давам едән позунтуларынын ифша едилмәсиндә ролларыны ҝүҹләндирмәјә чағырырыг.”
Һәрәкат һәмчинин вурғулајыб: “Ишғалчыларын сензура вә реаллығы тәһриф етмәк ҹәһдләри ифласа уғрајаҹаг. Мүгавимәтин сәси ҹанлы галаҹаг вә Фәләстин халгынын азадлыг вә гајыдыш кими гануни һүгугларыны ифадә едәҹәк.”
Диггәт: Лүтфән Хәбәрдән Истифадә Етдикдә Мәнбәјә Истинад Един!
Sizin rəyiniz