Гурандан һекајәләр; Тәфәккүр вә дүшүнмәк үчүн бир јер \ Мүасир инсан үчүн ибрәт дәрси (5)

Әһли-Бејт (әлејһимус сәлам) – Бејнәлхалг Хәбәр Аҝентлији- АБНА:

1. Фиронларын Сону

Һәзрәт Муса (әлејһис-салам) өз мөҹүзәләри илә Фирон вә тәрәфдашларыны төвһидә вә Бәни-Исраилин хиласына дәвәт етмишдир. Лакин онлар Илаһи ајәләри инкар етдикләри үчүн дәниздә гәрг олдулар (Әраф, 103-137).

2. Фирон сеһрбазларла Һз. Мусанын (ә) мөҹүзәләринә гаршы чыхмаг истәди

Фирон Муса (әлејһис-салам) пејғәмбәрин әса вә ағ әл кими мөҹүзәләрини ҝөрдү; Лакин о, сеһрбазлары Һәзрәт Муса (ә.с) илә гаршылашмаға чағырды (Әраф/105-108).

3. Сеһрбазларын иман ҝәтирмәси

Фиронун сеһрбазлары Һәзрәт Мусанын (әлејһис-салам) мөҹүзәләрини сеһр һесаб едирдиләр. Онлар һаггы ҝөрдүкдә иман ҝәтирдиләр вә дирәниш ҝөстәрәрәк сабитгәдәм олдулар (Әраф/111-126).

4. Фиронун Исраил өвладларыны һәдәләмәси

Фирон Бәни-Исраили һәдәләди, лакин Муса пејғәмбәр (әлејһис-салам) онлары сәбрә чағырараг гуртулуш вәд етди (Әраф/127-129).

5. Фиронлулара мүхтәлиф бәлалар назил олду

Фирон вә онун халгы мүхтәлиф бәлалара дүчар олду. Лакин онлар башларына ҝәләнләрдән һеч бир ибрәт алмадылар. Буна ҝөрә дә онлардан интигам алынды вә онлар дәниздә боғулдулар (Әраф, 130-137).

6. Бәни-Исраил гуртулушдан сонра гәфләт етди

Исраил өвладлары Һз. Муса илә (әлејһис-салам) дәнизи кечдиләр, бүтпәрәст бир халг ҝөрдүләр вә онлар кими бир бүтә саһиб олмаг истәдиләр. Һз. Муса (әлејһис-салам) бу иши онлара гадаған етди вә Аллаһын немәтләрини онлара хатырлады (Әраф/138-141).

7. Муса пејғәмбәрин (әлејһис-салам) миссијасы

Һәзрәт Муса (әлејһис-салам) Мигата ҝетдикдән вә Аллаһла данышдыгдан сонра пејғәмбәрлијә сечилди вә Төвраты Аллаһдан лөвһәләр шәклиндә алды (Әраф/142-145).

8. Бәни-Исраилин бузов ситајиши илә азғынлығы

Һәзрәт Мусан (әлејһис-салам) пејғәмбәрин гејбәтиндән сонра Бәни-Исраил бузова ибадәт етди вә азғынлыға дүчар олду (Әраф/148-153).

9. Һәзрәт Мусанын (әлејһис-салам) Исраил өвладларыны мәзәммәт етмәси

Һәзрәт Муса (әлејһис-салам) Мигатдан гајытдыгдан сонра Бәни-Исраилин Самиријә ујараг бузова ибадәт етдијини ҝөрдү вә онлары мәзәммәт едәрәк төвбәјә вә ислаһата дәвәт етди (Әраф/150-154).

Диггәт: Лүтфән Хәбәрдән Истифадә Етдикдә Мәнбәјә Истинад Един!