Үммүл-Мөминин
Һәзрәт Хәдиҹә Анамызын (әлејһа салам)-ын ШӘҺАДӘТИ илә бағлы башсағлығы әрз едирик!
Һәзрәти Хәдиҹә (әлејһа сәлам): “Ја Рәсуләллаһ! (Фатимеји Зәһраја ишарә едәрәк) - бу гызы сәнә вәсијјәт едирәм. О, мәндән сонра јетим вә гәрибдир. Гүрејш гадынларындан бири она әзаб-әзијјәт вермәсин. Бир кәс ону вурмасын, үстүнә гышгырмасын, хошаҝәлмәз һадисә ҝөрмәсин.”
Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Һәзрәти Муһәммәд Пејғәмбәрин (сәлләллаһу әлејһи вә алиһ) ән әзиз вә севимли, илк һәјат јолдашынын ады Хәдиҹәдир. О һәјатда олдуғу мүддәт әрзиндә Пејғәмбәри-әкрәм (сәлләллаһу әлејһи вә алиһ) башга бир ханымла никаһ бағламајыб. Онун исламы гәбул едәрәк иман ҝәтирмәси вә Пејғәмбәрә хидмәти сајыласы гәдәр дејил. О һәзрәтин фәзиләтиндә буну демәк кифајәтдир: О, Фатимеји-Зәһра (әлејһа салам)-ын әзиз анасыдыр. Пејғәмбәрин өвладларынын һамысы мәһз онунла бағлыдыр.
Һәзрәт Хәдиҹә (сәламуллаһи әлејһа) Шәһадәтә чатдығы заман Пејғәмбәрә вәсијјәт етди. Пејғәмбәрин уғрунда бу гәдәр фәдакарлыг вә ҹанфәшанлығы, бүтүн мал-дөвләтини онун мәрамы јолунда хәрҹләмәсинә бахмајараг деди: “Ја Рәсуләллаһ! Мәни бағышлајын, чүнки, сизә лазымынҹа хидмәт едә билмәдим.”
Пејғәмбәр бујурду: “Һаша вә кәлла! Мән сәндән һеч бир тәгсир ҝөрмәдим. Мәним уғрумда сонадәк чалышдын. Мәним евимдә чохлу әзаб-әзијјәтләрә дүчар олуб синә ҝәрдин, вар-дөвләтини Аллаһ јолунда бағышладын.”
Сонра Хәдиҹә деди: “Ја Рәсуләллаһ! (Фатимеји Зәһраја ишарә едәрәк) - бу гызы сәнә вәсијјәт едирәм. О, мәндән сонра јетим вә гәрибдир. Гүрејш гадынларындан бири она әзаб-әзијјәт вермәсин. Бир кәс ону вурмасын, үстүнә гышгырмасын, хошаҝәлмәз һадисә ҝөрмәсин.”
Һәзрәт Хәдиҹә Әбу Талибин реһләтиндән 45 ҝүн кечән заман - һәмин илдә Рамазан ајынын 10-ҹу ҝүнү (бесәтин онунҹу илиндә) 65 јашында икән фани дүнјаны тәрк едәрәк Уҹа вә Јенилмәз Аллаһына говушду. (1)
1. “Тәгвимуш-шиә”, сәһ. 227.
Диггәт: Лүтфән Хәбәрдән Истифадә Етдикдә Мәнбәјә Истинад Един!
Sizin rəyiniz