Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: АБШ президенти Доналд Трамп Ағ Евә рәһбәрлик етдији илк үч һәфтә әрзиндә онилликләр боју атылан мүбаһисәли аддымлары атды. Белә ки, бу һәтта Вашингтонун ән јахын мүттәфигләри арасында да чашгынлыг јарадыб.
Буна ујғун олараг Франса президенти Еммануел Макрон Финанҹиал Тимес гәзетинә мүсаһибәсиндә Трамп администрасијасынын планларыны сәрт тәнгид едиб.
О дејиб: “Трампын фәләстинлиләри Гәззадан көчүрмәк планлары вә Гренландијанын мәҹбури шәкилдә мәнимсәмәси дүнјада мөвҹуд олан ҹидди стратежи гејри-мүәјјәнлик вәзијјәтинә нүмунәдир”.
Макрон вурғулајыб: “Фәләстинлиләрин Гәззадакы евләриндән говулмасы чох тәһлүкәли ола биләр. Һәгигәт будур ки, Фәләстин-Исраил мүнагишәсинин дашынмаз әмлак һәлли јохдур, әксинә сијаси јолла һәлл едилмәлидир.”
Трамп администрасијасынын Украјнада мүһарибәјә сон гојмаг үчүн Русија президенти Владимир Путинлә данышыглар апармаг сәјләринә тохунан Франса президенти дејиб: “Украјна президенти Владимир Зеленски мүһарибәни битирмәк үчүн өлкәси адындан данышыглар апара билән јеҝанә шәхсдир. Украјнаны тәслим етмәклә сүлһүн бәргәрар олмасы һеч ким үчүн, о ҹүмләдән Американын өзү үчүн јахшы хәбәр дејил. Инди суал ондан ибарәтдир ки, Путин һәгигәтән дә даими атәшкәсә һазырдырмы?”
Макрон сонда Авропанын реҝионал тәһлүкәсизлик мүзакирәләриндә рол ојнамаға чалышдығыны гејд едәрәк ифадәсини јекунлашдырыб.
Диггәт: Лүтфән Хәбәрдән Истифадә Етдикдә Мәнбәјә Истинад Един!
