Әһли-Бејт
(әлејһимус сәлам) – Хәбәр Аҝентлији АБНА: Медиа мәнбәләринин билдирдијинә ҝөрә,
Бејрут әтрафында вә Ливанын диҝәр әразиләриндә ардыҹыл партлајыш сәсләри ешидилиб.
Ливанда баш верән јени партлајышларда симсиз, стасионар телефонлар, портатив ҹиһазлар вә бәзи диҝәр рабитә васитәләри илә јанашы, хејли аваданлыглара да зијан дәјиб.
Белə ки, партлајышлар нәтиҹәсиндә Ливанын мүхтәлиф бөлҝәләриндә јашајыш евләриндә, мағазаларда вә автомобилләрдә чохлу јанғынлар баш вериб.
Ливанын Сәһијјә Назирлији бу ҝүн Ливанын мүхтәлиф бөлҝәләриндә баш верән силсилә партлајышларда 9 нәфәрин шәһид олдуғуну, 300-дән чох инсанын исә јараландығыны ачыглајыб.
Гејд едәк ки, дүнән ахшам, 2024-ҹү ил сентјабр ајынын 17-си, медиа мәнбәләри бу өлкәнин мүхтәлиф бөлҝәләриндә Ливан Һизбуллаһ гүввәләри үчүн тәһлүкәсизлик инсидентинин баш вердијини вә бу гүввәләрин күтләви шәкилдә гәтлә јетирилдијини билдириб. Бу хәбәрә әсасән, сионист режим Һизбуллаһ гүввәләринин пејҹер ҹиһазларына нүфуз едә билиб вә бу ҹиһазлары партладыб вә нәтиҹәдә 9 нәфәр һәлак олуб, 2750 нәфәр јараланыб.
Диггәт: Хәбәрдән Истифадә Етдикдә Мәнбәјә Истинад Лазымдыр!
