Әһли-Бејт
(әлејһимус сәлам) Хәбәр Аҝентлији – АБНА: Ислам Ингилабынын Али Мәгамлы Рәһбәри
бу ҝүн сәһәр Иран Ислам Республикасынын мәһкәмә
органларынын рәсмиләри илә ҝөрүшүндә “инсанларын проблемләрини вә ихтилафларыны
әдаләт әсасында һәлл етмәји” вә “ганунун гырмызы хәттинин кечмәсинин гаршысынын
алынмасыны” мәһкәмә системинин әсас вәзифәләриндән сајараг билдирмишләр:
“Мәһкәмә системинин ән мүһүм вәзифәси әдаләти ҹәсарәтлә вә дүшүнмәдән һәјата кечирмәкдир.”
Ислам Ингилабынын Рәһбәри Гуранда вә диҝәр ислами мәнбәләрдә “әдаләт” кими бир мәсәләјә чох аз истинад едилмәдијини вурғулајараг, әдаләтин һәјата кечирилмәси үчүн ҹәсарәти зәрури сајдылар.
Имам Хаменеи һәзрәтләри мәсум имамлара истинад едәрәк билдирдиләр:
“Имам Сәҹҹадын (ә) нәзәринә ҝөрә, мәһкәмә һакими елә һәрәкәт етмәлидир ки, дүшмәнләри зүлм етмәкдән чәкиндирсин. Вә јахын достлар әдаләтсиз тәрәфбазлыгдан мәјус олараг, үмидләрини кәссинләр; Белә оларса, чох ваҹиб олан “инсанларын психи вә психоложи тәһлүкәсизлији” тәмин олунаҹагдыр.”
О, мәһкәмә һакимләринин Гәрбин инсан һаглары мәнбәләринә дејил, дахили ганунлара ҝүвәнмәләрини, әдлијјә системи рәһбәрләринин ишлә бағлы мүхтәлиф бөлҝәләрә етдикләри сәфәрләрини давам етдирмәјини вә үмидвериҹи гәрарларын иҹрасы илә бағлы мониторингләрин апарылмасыны вурғулајараг билдирибләр:
“Елә һәрәкәт един ки, иҹтимаи рәј һүгугу мүлаһизә етмәдән мәһкәмәни әдаләт еви вә әдаләт мәркәзи һесаб етсин.”
Ингилаб лидери чыхышынын јекун һиссәсиндә президентлијә намизәдләрә мүһүм мәсләһәтләр вериб.
Һәзрәт Ајәтуллаһ Хаменеи телевизијанын сечки програмларыны мүсбәт адландырыб вә инсанларын телевизија васитәси илә мүхтәлиф бахышларла таныш олмаларына ишарә едәрәк, сечки намизәдләринә хитабән дејиб:
“Намизәдләрин рәгибә галиб ҝәлмәк мәгсәди илә телевизијадакы дебатлары вә ја диҝәр ачыгламалары дүшмәни севиндирән сөзләрлә олмамалыдыр. Чүнкү фәрзимиз будур ки, бүтүн намизәдләр Ираны вә Ислам Республикасыны севирләр; Онлар бу системдә президент олмаг вә халга хидмәт етмәк истәјирләр. Она ҝөрә дә елә данышмасынлар ки, дүшмән севинсин.”
Диггәт:
Хәбәрдән Истифадә Етдикдә Мәнбәјә Истинад Лазымдыр!
