Әһли-Бејт
(әлејһимус сәлам) Хәбәр Аҝентлији – АБНА-нын вердији мәлумата әсасән, Һиндистанын
Карнатака әјаләтинин пајтахты Бангалор шәһәриндә әксәријјәтинин 200 илдән чох тарихә
малик олан Шиә зијарәтҝаһлары вә мәсҹидләри вардыр.
Бангалор шәһәриндә Имам Әскәри (ә) Мәсҹиди исә милади 1909-ҹу илдә тикилиб. Бурада 19-ҹу әсрә аид Шиә гәбиристанлығы да вардыр.
Бу шәһәрин көһнә сакинләриндән олан Мәнсур Әли бу барәдә белә дејир:
“Бангалор шәһәри бүтүн ил боју дини ајинләри ҹанландырмаг вә гејд етмәк арзусунда олан Әһли-Бејт (әлејһимус-салам) ардыҹыллары арасында Шиәләрин ән бөјүк топлашма мәркәзидир.
Бу шәһәрдә һәм дә ил боју гапысы ачыг олан вә мүхтәлиф дини мәзһәбләрдән вә ајинләрдән ҝәлән инсанлары гәбул едән, онлары јемәк, су вә ҝеҹә хидмәтләри илә тәмин едән “Имам Бареһ” кими танынан гәдим зијарәтҝаһ вар.”
Мәнсур Әли сөзүнүн давамында гејд едиб:
Бу Зијарәтҝаһлара вә Мәсҹидләрин тикинтисинә мараг Әли Әскәр адлы иранлы таҹирин марағындан ирәли ҝәлиб. 1824-ҹү илдә бу шәһәрдә мәскунлашан вә сәрвәтинин бөјүк бир һиссәсини шәрафәтли зијарәтҝаһларын, ибадәт јерләринин вә дини мәктәбләрин јенидән гурулмасына сәрф едән Әли Әскәрин зәһмәтләри бөјүкдүр.
Бангалор шәһәриндә Шиәләрин мөвҹудлуғу илә бағлы данышан Мәнсур Әли гејд едиб ки, Шиәләрин бу гәдим шәһәрә ҝәлиши вә көк атмасы һәлә әрәб таҹирләринин ҝәлмәсиндән 800 илдән чох әввәлә ҝедиб чыхыр.
О, һәмчинин гејд едиб:
“Имам Әскәри (әлејһи сәлам) Мәсҹиди намаз вә ибадәт етмәк үчүн тикилмишдир ки, һәтта сүнни мүсәлманлар да бу Мәсҹиддә иштирак едир вә гардашлыг вә иман руһујәси илә ишләр габаға апарылыр.”
Диггәт: Хәбәрдән Истифадә Етдикдә Мәнбәјә Истинад Лазымдыр!
