Аксијачылар сионист режимин Фәләстин халгына гаршы ҹинајәтләри вә Инҝилтәрә һөкумәтләринин бу ушагөлдүрән режими һимајә етмәсини писләјибләр.
Аксија Лондонда- ББҸ каналынын бинасы гаршысындан башланыб вә Фәләстин тәрәфдарлары сионист режимин јарадылмасынын бүнөврәси сајылан Балфур бәјаннамәсинин тәгдиматынын кечирилдији мәканадәк Лондон күчәләриндә аксијаны јүрүш формасында давам етдирибләр. Нүмајиш иштиракчылары Исраил режиминә гаршы шүарлар верибләр.
Аксијачылар Фәләстин халгы вә мүгавимәтинә дәстәк истигамәтиндә әлләриндә Фәләстин бајрағы вә плакатлар тутублар.
Фәләстинә дәстәк верән бир инҝилис гадын Иран-Пресс информасија аҝентлијинин Лондондакы мүхбири илә мүсаһибәдә дејибдир ки, ББҸ телеканалы Фәләстин барәдә хәбәр вә информасијалары ишыгландырмыр.
Бу ҝүн, он дөрд мај, “Јәумулнәкбә”нин илдөнүмү ҝүнүдүр. Инҝилтәрә сионист режимин тәсис едилмәсиндә әсас рол ојнајыб. Бунунла белә, һазырда бу режим кечмишдәкиндән даһа чох өз сахта маһијјәт бөһранына вә дахилдән учулуб төкүлмәјә дүчар олубдур.
342/
