Әһли-Бејт
(әлејһимус сәлам) – Хәбәр Аҝентлији АБНА-нын вердији мәлумата әсасән, Иран Ислам
Республикасынын Хариҹи Ишләр Назирлијинин сөзчүсү Исвеч парламентинин СЕПАҺ илә
бағлы азғын һәрәкәтинә реаксија вериб.
ИИР ХИН-ин сөзчүсү Насир Кәнани Исвеч парламентинин Ислам Ингилабы Кешикчиләри Корпусу илә бағлы јолверилмәз һәрәкәтинә ҹаваб олараг дејиб:
“СЕПАҺ-Ислам Ингилабы Кешикчиләри Корпусу Иран халгынын мәтниндән јаранмыш суверен бир гурумдур вә Иран Ислам Республикасынын Конститусијасындан верилән рәсми вә һүгуги шәхсијјәтә маликдир вә силаһлы гүввәләрин диҝәр елементләри илә бирликдә өлкәнин милли вә сәрһәд тәһлүкәсизлијини горујур.”
Хариҹи Ишләр Назирлијинин сөзчүсү әлавә едиб:
“СЕПАҺ-Ислам Ингилабы Кешикчиләри Корпусу Иран Ислам Республикасынын милли тәһлүкәсизлији вә әрази бүтөвлүјүнү мүдафиә етмәк мәсулијјәтиндән әлавә, сон он илдә тәкфирчи вә ИШИД бејнәлхалг терроризми илә мүбаризәдә һәлледиҹи, реҝионал вә бејнәлхалг сүлһ вә тәһлүкәсизлијин горунмасында тарихи рол ојнамышдыр. Вә белә бир рол Иран халгынын вә хүсусән дә гара тәкфирчиләрин вә ИШИД террорунун һүҹумуна мәруз галан бөлҝә халгынын тарихи јаддашындан силинмәјәҹәк.
Спикер гәтијјәтлә билдириб:
“Исвеч парламентинин Иран халгынын террорчу вә рәдд едилмиш үнсүрләринин тәсири алтында ганунсуз һәрәкәти бејнәлхалг һүгугун гәбул едилмиш стандарт вә принсипләринә, о ҹүмләдән суверенләрин бәрабәрлији вә дахили ишләрә гарышмамаг принсипләринә зидд олараг анти-Иран һәрәкәти вә Иранын суверенлијинә вә милли тәһлүкәсизлијинә һүҹум нүмунәсидир.”
Иран Ислам Республикасынын Хариҹи Ишләр Назирлији Исвеч парламентинин бу һәрәкәтини ән кәскин шәкилдә писләјәрәк вурғулајыб:
“Биз Исвеч һөкумәтинә мәсләһәт ҝөрүрүк ки, ики өлкә арасындакы мүнасибәтләри позмаг мәгсәди илә гурулан тәләјә дүшмәмәк үчүн узагҝөрәнлик вә дәрин дүшүнҹәләрдән истифадә етсинләр. Ејни заманда белә дүшүнүлмәмиш аддымларын нә илә нәтиҹәләнәҹәји барәдә дүшүнәрәк, Исвечин милли марагларыны вә ики өлкә арасындакы чохиллик әлагәләри террорчуларын, хүсуси илә дә сионист апартеид режиминин вә Иран халгынын гаты дүшмәнләринин марагларына гурбан вермәмәлидирләр.”
Гејд едәк ки, Исвеч парламентинин үзвү чәршәнбә ҝүнү, мајын 10-да твитиндә мәлумат верәрәк билдириб ки, бу өлкәнин парламенти, өлкәнин һөкумәтиндән СЕПАҺ-ын адынын “Авропа Бирлијинин террор тәшкилатлары” сијаһысына салынмасына дәстәк вермәсини хаһиш едән планы тәсдигләјиб.”
Диггәт: Хәбәрдән Истифадә Етдикдә Мәнбәјә Истинад Лазымдыр!
