Әһли-Бејт
(әлејһимус сәлам) – Хәбәр Аҝентлији АБНА-нын вердији мәлумата әсасән, Фәләстинин
Сәһијјә Назирлији бу ҝүн, ҹүмә ахшамы елан едиб ки, сионист режимин Гәззада чәршәнбә
ахшамы башлајан сон тәҹавүзүнүн гурбанларынын сајы 25 шәһид вә 76 јаралыја чатыб.
Сионист ҹүһүд режим дөјүшчүләринин Гәззәнин ҹәнубунда, Хан Јунисин шимал-гәрбиндә јерләшән Һәмәд шәһәриндә јашајыш мәнзилинә һүҹумунда Гүдс баталјонунун командирләриндән Әли Һәсән Гали үч нәфәрлә бирликдә шәһид олуб. Даһа сонра бу режим дөјүшчүләринин һүҹумунда ејни ҝүндә Әл-Гарара бөлҝәсиндә даһа ики нәфәр шәһид олуб. Рәфаһ шәһәринә һүҹумда исә шәһидләрин сајы јенидән артыб.
Чәршәнбә ҝүнү сәһәр саатларындан етибарән сионист режимин Гәззәнин бәзи бөлҝәләринә һава һүҹуму нәтиҹәсиндә исә 2-си ушаг олмагла даһа 6 нәфәр шәһид олуб.
Јерли мәнбәләр Хан Јунисдәки Әл-Гарараһ вә Абсан бөлҝәләринә едилән нөвбәти һава һүҹумунда бир нечә јаралы вәтәндашын хәстәханаја апарылдығыны билдириб.
Ишғалчы режим дөјүшчүләринин чәршәнбә ахшамы ҝеҹәси Ислами Ҹиһадын һәрби голу олан Гүдс Баталјонунун бәзи командирләринин евләринә тәшкил етдији һүҹумда 13 нәфәр шәһид олуб вә хејли сајда инсан јараланыб.
Сионист режим дөјүшчүләри һәмчинин Гәззанын шимал вә ҹәнубунда бир сыра мүгавимәт мөвгеләринә вә әкин саһәләринә һүҹум едибләр. Бу һүҹумларда Гәззанын шималында чох сајда вәтәндаш јараланыб.
Диггәт: Хәбәрдән Истифадә Етдикдә Мәнбәјә Истинад Лазымдыр!
