Һиндистанын хариҹи ишләр назири Субраһманјам Ҹајшанкар бу мүсаһибәдә Иранын Чабаһар лиманынын Јени Деһли үчүн әһәмијјәтини вурғулајыб.
Һиндистанын хариҹи ишләр назири Чабаһар лиманынын Һиндистан үчүн нә үчүн әһәмијјәтли олмасы вә бу бахымдан Јени Деһлинин стратеҝијасынын нәдән ибарәт олмасы илә бағлы суала ҹаваб олараг, дејиб: "Биз Мәркәзи Асијаја вә онун һүдудларындан кәнара чыхмаг үчүн бир јол ахтарырыг, буна ҝөрә дә Иранын Чабаһар лиманы бизим үчүн чох өнәмлидир".
О, Һиндистанын санксијалара рәғмән Иранла әмәкдашлыгда үзләшдији чәтинликләрә тохунараг, дејиб: "Бизим бу саһәдә проблемләримиз вар, чүнки Иран санксијалар алтындадыр вә бир чох ширкәт малијјә саһәсиндә әмәкдашлыгда проблемләрлә үзләшир, лакин биз бу саһәдә давамлы ирәлиләјиш әлдә етмишик".
Һиндистанын хариҹи ишләр назири сөһбәтләринин давамында дејиб: "Һиндистан Чабаһар лиманы васитәсилә тәкҹә Орта Асија реҝионларына чатмајаҹаг, һәм дә онун Иранын шималы васитәсилә Русијаја чатмасы еһтималы вар вә бу ҝүн нәглијјат маршрутларынын јарадылмасы васитәләри дипломатија вә игтисади әлагәләр үчүн бөјүк әһәмијјәт кәсб едир.
Бејнәлхалг Шимал-Ҹәнуб Нәглијјат Дәһлизи Һиндистанын, дәниз јүкләринин Русија вә Авропаја чатмасы вә Мәркәзи Асија базарларына дахил олмасы үчүн тәләб олунан вахты азалтмаг мәгсәди дашыјан тәшәббүсүдүр.
Һиндистанын көмәји илә инкишаф етдирилән Чабаһар лиманы реҝионун, хүсусән дә Мәркәзи Асијанын тиҹарәт транзит мәркәзидир. Јени Деһли Иран һөкумәти илә әмәкдашлыг чәрчивәсиндә Чабаһар лиманында Шәһид Беһешти терминалынын биринҹи мәрһәләсинин ишләниб һазырланмасында иштирак едир.
342/
