сионист режимин баш назири Бенјамин Нетанјаһу мартын 27-дә телевизија мүраҹиәтиндә дејиб: “Ҝениш консенсуса наил олмаг вә халгын дахилиндәки ихтилафын гаршысыны алмаг үчүн Кнессетдә мәһкәмә ислаһатлары илә бағлы ганун лајиһәсинә сәсвермәни дајандырмаг гәрарына ҝәлдим”.
О, мәһкәмә системиндә ислаһатларла бағлы илә ганун лајиһәсинин гәбулуну тәхирә салдығыны, лакин ондан һеч вахт имтина етмәјәҹәјини вурғулајыб.
Нетанјаһу кабинетинин мәһкәмә ислаһатлары лајиһәсиндә мәһкәмә системинин сәлаһијјәтләри азалдылыр, әксинә иҹраедиҹи вә ганунвериҹи органларын ҝүҹү вә мөвгеји ҝүҹләндирилир.
Фәләстинин “МӘА” хәбәр аҝентлијинин мәлуматына ҝөрә, он минләрлә исраилли чәршәнбә ахшамы Тәл-Әвивин мәркәзиндәки Каплан күчәсиндә Бенјамин Нетанјаһу һөкумәтинә вә онун мәһкәмә системи ислаһатларына гаршы нүмајиш кечириб.
Сионист режим полиси нүмајишә јахын бир нечә күчә вә говшаглары бағлајыб.
Һәмчинин, ишғал олунмуш әразиләрин бир сыра диҝәр шәһәрләриндә охшар етираз аксијалары кечирилиб. Нетанјаһу вә онун кабинетинин мүхалифләри бу ҝүн дә аналожи нүмајишләр кечирмәји планлашдырыблар.
Етираз аксијалары елә бир һалда кечирилир ки, Нетанјаһу иҹтимаи рәјин вә АБШ-ын тәзјигләри нәтиҹәсиндә бу ганун лајиһәсинин гәбулуну мүвәггәти олараг, дајандырыб.
Өтән һәфтәләрдә Тәл-Әвив, Һајфа, Ишғал олунмуш Гүдс, Беер Сәбә, Ришон Летзион вә Һерзлија да дахил олмагла, ишғал олунмуш Фәләстинин шималындан ҹәнубуна гәдәр онларла шәһәр Нетанјаһунун ифрат сағчы кабинетинә вә сионист режимин мәһкәмә системиндә ислаһатлара гаршы нүмајишләрә сәһнә олуб.
342/
