Ингилаб Рәһбәри билдириб: “Бу бөјүк вәзифә ағыр мәсулијјәтлә мүшајиәт олунур ки, Аллаһа шүкүрләр олсун, силаһлы гүввәләр бу гүрурвериҹи мөвгенин гәдрини билмәклә өз вәзифәләрини јеринә јетирирләр.”
Силаһлы гүввәләрин давамлы һәрәкәти вә инкишафындан мәмнунлуғуну ифадә едән Алимәгамлы Рәһбәр гејд едиб ки, силаһлы гүввәләр мөвҹуд тәрәггијјатла гәтијјән кифајәтләнмәјиб дајанмадан ирәлиләмәлидир. Зира тәһлүкә һеч вахт тамамилә арадан галхмыр, она ҝөрә дә гүввәләр баҹардыглары гәдәр һазырлыглы олмалыдыр.
Ингилаб лидери һәмчинин силаһлы гүввәләрин дүшмәнләр гаршысында һазырлыглы олмасыны өнләјиҹи тәдбир адландырараг пәрдәархасы планчылара гаршы сајыглығы тамамилә зәрури һесаб едиб.
О һәзрәт даһа аз ҝүҹлү үнсүрләрин сөзләри вә мүмкүн һәрәкәтләринә тохунараг дејиб: “Биз ағлымызы бу ҹүр һәрәкәт вә сөзләрә јөнәлтмәмәлијик, анҹаг пәрдә архасында олан әсас дизајнерләри ҝөрмәлијик.”
Али Баш Командан дүнјанын мүхтәлиф јерләриндә шәр бејнәлхалг гүввәләрин мүһарибә салмаг ҹәһдләринә ишарә едәрәк гејд едиб: “Истикбар фајда ҝөрдүјү јердә сәһнә архасындан мүнагишәјә зәмин јарадыр. Бу сәбәбдән дүшмәнләрин узунмүддәтли планларыны ҝөрмәк лазымдыр.”
Али баш командан Американын тәхминән ијирми ил әввәл Иранын шәргиндә вә гәрбиндә башлатдығы ики мүһарибәјә тохунараг дејиб: “Америкалыларын Ираг вә Әфганыстанда мараглары вар иди, лакин онларын сон һәдәфи Ислами Иран иди ки, бу да Ислам Ингилабынын чох ҝүҹлү тәмәлләринә ҝөрә бу маҹәраларда сон мәгсәдләринә чата билмәдиләр. Бу исә о демәкдир ки, дүшмән бүтүн мөһкәм һесабламалары вә һәрби ҝүҹү илә мәғлуб ола биләр.”
Ингилаб Рәһбәри сонра сионист режимин һазыркы вәзијјәтини бу ҹүр уғурсузлугларын башга бир нүмунәси кими ҝөстәриб вә дејиб: “Сионист режимин кечән илин Рамазан ајында Фәләстин әлејһинә әмәлијјаты дүнјада хүсуси бир реаксија вермәди, лакин бу ил сионист режимин әлејһинә нүмајишләр кечирилди, онун ҹинајәтләри, һәтта АБШ вә Инҝилтәрәдә белә писләнилди.”
Али Баш Командан дүшмәнин мәғлубијјәтинә инанмагла јанашы, ону диггәтдән кәнарда гојмамағы ваҹиб сајараг әлавә едиб ки, һеч бир мәрһәләдә дүшмәнин һијлә вә планларына ҝөз јуммаг олмаз.
Ингилаб рәһбәри чыхышынын сонунда силаһлы гүввәләрин интеллектуал мәркәзләрини даим вә јениликчи шәкилдә ҝүҹлү, расионал стратеҝија вә сијасәтләр һазырламаға чағырыб.
