Иран Хариҹи Ишләр Назиринин сөзчүсү Насир Кәнани дејиб: “Бир екстремист груп тәрәфиндән мүгәддәс Рамазан ајында - Гуранын назил олдуғу ајда төрәдилән бу һөрмәтсизлик сәмави дин олан Ислама вә бүтүн дүнја мүсәлманларына ачыг-ашкар тәһгирдир".
Кәнани гејд едиб ки, дүнјанын бүтүн азад фикирли инсанларынын Гүдсүн ҹинајәткар вә фитнәкар сионист режимин пәнҹәсиндән азад едилмәсини тәләб етдији Бејнәлхалг Гүдс Ҝүнүндә белә бир тәхрибатҹы вә һәјасыз һәрәкәт Гәрбдә ифадә азадлығы дејилән иддианы нүмајиш етдирмәјин ән ахмаг јолудур".
Иранлы дипломат һәмчинин дејиб: "Мүсәлманларын мүгәддәсликләрини сәрбәст шәкилдә тәһгир етмәк тәкфирчи екстремизм вә зоракылығын диҝәр тәрәфидир вә бу, ејни дәрәҹәдә писләнилмәли вә бејнәлхалг иҹтимаијјәт тәрәфиндән чәкиндириҹи ҹаваб алмалыдыр.
Кәнани Данимарка һөкумәтини бу ҹүр мәнфур әмәлләрин тәкрарланмамасы үчүн гәти аддымлар атмаға чағырыб.
342/
