Әһли-Бејт
(әлејһимус сәлам) – Хәбәр Аҝентлији АБНА-нын вердији мәлумата әсасән, Украјнада
мәғлубијјәт Гәрбин “гызыл дөвр”үнүн сонунун башланғыҹы ола биләр.
Буну АБШ-да сәфәрдә олан Полша Баш назири Матеуш Моравиетски Атлантик Шурада кечирилән ҝөрүшдә чыхышы заманы дејиб.
“Әҝәр биз Украјнаны итирсәк онилләр бојунҹа сүлһү итирәҹәјик. Украјнада мәғлубијјәт Гәрбин “гызыл дөвр”үнүн сонунун башланғыҹы ола биләр. Украјнанын гәләбәси исә һәм бизим игтисади ҝүҹүмүзүн бәрпасынын, һәм дә ҝүҹләндирилмәсинин зәманәтидир”, - о дејиб.
Баш назир әлавә едиб ки, һазырда Украјнадакы мүһарибә илә әлагәдар Гәрб өлкәләри үч дүшәрҝәјә бөлүнүбләр вә онларын һамысы Кијевин гәләбәсини ејни дәрәҹәдә арзуламыр.
“Украјнада мүһарибәнин нәтиҹәси илә әлагәдар олараг демократијалар азы үч дүшәрҝәјә бөлүнүбләр. Бунлардан биринҹиси инҝилисҹә данышанларын дүшәрҝәси, икинҹиси Маҹарыстан истисна олмагла Мәркәзи вә Гәрби Авропа өлкәләри вә үчүнҹү дүшәрҝә гәрби Авропанын диҝәр өлкәләри – хүсусилә дә Алманија вә Франса. Путинин коллектив гәрб адландырдығы өлкәләрин һамысы Украјнанын галиб ҝәлмәсини истәјирләр, лакин ејни дәрәҹәдә јох. Полша Русијаны јахшы таныјыр. Биз Русија илә әсрләр бојунҹа мүһарибә апармышыг. Бизим Русија илә илк ҹидди мүһарибәмиз 1492-ҹи илдә, Колумб јени дүнјаны кәшф едәркән олуб. Она ҝөрә дә биз нә ҝөзләмәк лазымдыр билирик. Русија дөвләтинин нә украјналыларын һәјатына, нә дә өз вәтәндашларынын һәјатына һөрмәти вар”, - дејә Моравиетски билдириб.
Диггәт: Хәбәрдән Истифадә Етдикдә Мәнбәјә Истинад Лазымдыр!
