Бу ҝүн 1444-ҹү һиҹри гәмәри или Рамазан ајынын 21-и дүнја шиәләринин биринҹи имамы Һәзрәт Әлинин (ә) шәһадәти ҝүнүдүр.
40-ҹы һиҹри гәмәри или мүбарәк Рамазан ајынын 19-у ҝүнү сәһәр тездән хәвариҹ групундан олан Ибн Мүлҹәм Муради Һәзрәт Әли (ә) сүбһ намазы гыларкән өз зәһәрли гылынҹыны о һәзрәтин мүбарәк башына ендирди.
О, һәзрәт зәрбә алдыгдан сонра евдә јатырылды вә ики ҝүн сонра, јәни мүбарәк рамазан ајынын 21-ҹи ҝүнү шәһид олду.
Мин ајдан даһа фәзиләтли олан Гәдр ҝеҹәси Рамазан ајынын 19, 21 вә 23-ҹү ҝеҹәләринә тәсадүф едир. Мүсәлманлар Гәдр ҝеҹәләрини ојаг галараг, сәһәрә кими ибадәтлә мәшғул олурлар.
Чәршәнбә ахшамы ҝеҹәси бүтүн Ислами Иранда инсанлар мүбарәк Рамазан ајынын икинҹи Гәдр ҝеҹәси вә Имам Әлинин (ә) шәһадәт ҝеҹәсиндә әзадарлыг вә матәм мәрасимләри кечирдиләр, ејни заманда Ҹөвшән Кәбир дуасы охујуб, Гураны башларына гојараг, Аллаһ илә разу-нијаз етдиләр.
Сәһәр Азәри каналы Һәзрәт Әлинин (ә) шәһадәтинин илдөнүмү илә бағлы бүтүн мүсәлманлара баш сағлығы верир вә Гәдр ҝеҹәләриндә бүтүн мүсәлманларын ибадәтләринин гәбул олунмасыны диләјир.
342/
