Иранын Әрријаддакы сәфирлик комплексинин гапылары иранлы һејәтин тәфтиши заман ачыг олуб вә онун гаршысында ағрәнҝли бир автомобил ҝөрүнүб.
Иран Хариҹи Ишләр Назирлијинин рәсми нүмајәндәси билдириб ки: Ики өлкәнин консуллуглары вә сијаси нүмајәндәликләринин дипломатик фәалијјәтләри вә рәсми әлагәләринин бәрпасы јөнүндә атылан јени аддымда вә Иран Ислам Республикасы илә Сәудијјә Әрәбистаны арасындакы разылашманын иҹрасы истигамәтиндә, Иранын техники һејәти дүнән ҝүнортачағы Әрријада дахил олуб вә Сәудијјә Әрәбистанынын мәсул шәхсләри тәрәфиндән гаршыланыб.
Насир Кәнани әлавә едиб: Иран һејәти ики ишчи груп формасында Әрријад вә Ҹиддәдә,/ сәфирлик вә баш консуллуғун ишә салынмасы, еләҹә дә Ислам Әмәкдашлығы Тәшкилаты јанында Иран Ислам Республикасынын даими нүмајәндәлијинин фәалијјәти истигамәтиндә лазыми аддымлар атаҹаг.
Өлкәмизин нүмајәндәликләринин ҹари илин һәҹҹ ҝүнләриндән өнҹә јенидән ачылмалары вә ишә башламаларына сәј ҝөстәриләҹәк- дејә, Кәнани вурғулајыб.
Иран Хариҹи Ишләр Назирлијинин рәсми нүмајәндәси һәмчинин билдириб ки, ҹари һәфтәнин шәнбә ҝүнү Ирана дахил олмуш Сәудијјә Әрәбистанынын техники һејәти сабаһ Мәшһәд шәһәринә јола дүшәҹәк.
342/
