сионист режимин "Канал 12" каналы билдириб ки, Фәләстинлиләр вә Мүгавимәт гүввәләринин сионист гүввәләрин Рамазан ајында Әл-Әгсаја тәҹавүзүнә реаксијасы вә хүсусилә дә Ливан, Гәззә вә Суријадан ракетләрин атылдығы өтән һәфтә һадисәләриндән сонра Исраил кабинети һәфтә сону мүхтәлиф бөлҝәләрдә һава һүҹумундан мүдафиә системини ҝүҹләндирмәјә гәрар вериб.
Бу хәбәрә әсасән, ејни заманда, тәһлүкәсизлик назиринин ҝөстәриши әсасында сионист полисә көмәк етмәк вә шәһәр мәркәзләриндә тәһлүкәсизлији ҝүҹләндирмәк үчүн ишғал олунмуш Фәләстинин мәркәзинә хүсуси һәрби гүввәләр јерләшдирилиб.
Ејни заманда, Фәләстиндә сионист мүһаҹирләрин Мәсҹидүл-Әгсаја һүҹуму сәбәбиндән гаршыдурмаларын шиддәтләнмәсиндән сонра чәршәнбә ахшамы сионист режимин баш назири сионист мүһаҹирләрин мүгәддәс Рамазан ајынын сонуна гәдәр Мәсҹидүл-Әгсаја ҝиришини гадаған едиб.
Нетанјаһу елан едиб ки, гондарма Исраилин тәһлүкәсизлик хидмәтләринин мәсләһәтинә әсасән, сионист мүһаҹирләр Рамазан ајынын сонуна гәдәр Мәсҹидүл-Әгсаја дахил олмаг һүгугуна малик дејилләр.
Сионист режим телевизијасынын "Канал 12" каналы билдириб ки, Нетанјаһу полис гүввәләринә сабаһ, чәршәнбә ҝүнүндән Рамазан ајынын сонуна гәдәр сионист мүһаҹирләрин Мәсҹидүл-Әгсаја дахил олмаларынын гаршысыны алмағы әмр едиб.
Нетанјаһунун бу гәрары Фәләстинин Ислами Мүгавимәт Һәрәкаты ҺӘМАС-ын "сионистләрин Мәсҹидүл-Әгсаја, ибадәт едәнләрә вә ишғал олунмуш Гүдсдә Фәләстин халгына гаршы һәр һансы ахмаг һәрәкәти" барәдә хәбәрдарлығындан сонра гәбул едилиб.
342/
