Рәсми Теһран Исраил режиминин хариҹи ишләр назири Ели Коһенин Азәрбајҹан хариҹи ишләр назири Ҹејһун Бајрамовла бирҝә мәтбуат конфрансында сәсләндирдији фикирләрә реаксија вериб.
Иран Хариҹи Ишләр Назирлији сионист режимин ХЫН башчысы Ели Коһенин фикирләринә вә “Ирана гаршы бирләшмиш ҹәбһә” анлашмасына ҝөрә Азәрбајҹандан изаһат тәләб едиб.
Иранын ХИН сөзчүсү Насир Кәнани дејиб: “Иран сионист режимин Азәрбајҹан әразисиндән она гаршы суи-гәсдинә биҝанә гала билмәз”
Хатырладаг ки, мартын 29-да Исраилдә Азәрбајҹан сәфирлијинин ачылышы олуб.
Тәдбирдә сонра Исраилин хариҹи ишләр назири Ели Коһен вә азәрбајҹанлы һәмкары Ҹејһун Бајрамов мәтбуат конфрансында бирҝә бәјанатла чыхыш едибләр.
Коһен чыхышында Ираны реҝиону тәһдид етмәкдә, террора дәстәк вериб малијјәләшдирмәкдә, Јахын Шәргдә гејри-стабитлик јаратмагда ҝүнаһландырыб вә ҹәфәнҝ ачыгламасында дејиб: “Биз Ирана гаршы бирҝә һәрәкәт етмәлијик. Иранын нүвә имканларыны ҝенишләндирмәсинә имкан вермәмәлијик”.
Иранын Хариҹи Ишләр Назирлијинин сөзчүсү Насир Кәнани назирләрин бирҝә бәјанатыны анти-Иран анлашмасы вә Теһрана гаршы ваһид ҹәбһә кими гијмәтләндириб.
“Сионист режимин хариҹи ишләр назиринин ваһид анти-Иран ҹәбһәсинин јарадылмасы илә бағлы тәклифи, еләҹә дә Азәрбајҹан хариҹи ишләр назиринин “Азәрбајҹан вә сионист режим арасында стратежи тәрәфдашлығын јени мәрһәләси” адлы бәјанаты анти-Иран јөнүмлүлүјүн үстүөртүлү тәсдигидир. Она ҝөрә дә Азәрбајҹан һакимијјәтиндән изаһат тәләб едирик”, - дејә Кәнанинин ыгламасында гејд олунур.
О, буну Иранын милли тәһлүкәсизлијинә тәһдид сајыб вә гәти шәкилдә писләјиб.
Кәнани Иран вә Азәрбајҹан халглары арасында гырылмаз тарихи вә дини әлагәләрин олдуғуну да гејд едиб.
О әлавә едиб ки, Иран Ислам Республикасы һәр заман бәдхаһларын халглар арасында мәсафә јаратмаг ҹәһдләринин гаршысыны алмаға чалышыб.
“Азәрбајҹан һөкумәтинин дүшмәнләрин гурдуғу тәләдән јајынмасы ҝөзләнилир. Ики өлкә арасында әлагәләр ҝенишләниб. Ајдындыр ки, Иран Ислам Республикасы сионист режимин Азәрбајҹан әразисиндән она гаршы суи-гәсдинә биҝанә гала билмәз”, – дејә Иранын ХИН рәсмиси гејд едиб.
342/
