Русија президенти Владимир Путин дә, өтән шәнбә ҝүнү Беларусла разылашмадан сонра орта мәнзилли нүвә силаһларыны бу өлкәдә јерләшдирәҹәјини бәјан едиб. Онун сөзләринә ҝөрә, артыг бу гәрар гәбул едилиб вә бу, БМТ-нин нүвә силаһынын јајылмамасы илә бағлы гәтнамәләрини позмур.
Хәбәрләрә ҝөрә, Русијанын БМТ-дәки сәфири вә даими нүмајәндәси Васили Небензиа ҹүмә ҝүнү Тәһлүкәсизлик Шурасынын иҹласында Беларусда нүвә силаһларынын јерләшдирилмәси илә бағлы чыхышында дејиб: “Москва Беларусда тактики нүвә силаһларынын јерләшдирилмәсини гадаған едәҹәк бејнәлхалг өһдәликләрини позмадан бу тип силаһларын јајылмасыны јеринә јетирәҹәк..."
Русија сәфири бу силаһларын Беларус тәрәфиндән истифадә едилмәјәҹәјини вурғулајараг, онларын Русијанын нәзарәтиндә олаҹағына ишарә едиб. О һәмчинин хатырладылыб ки, Америка бүтүн Авропада бир сыра нүвә силаһы јерләшдириб.
Бу арада исә, Беларусун БМТ-дәки даими нүмајәндәси Валентин Рыбаков ҹүмә ҝүнү чыхышында дејиб: “Америка Белчика, Алманија, Һолландија вә Түркијәдән нүвә силаһларыны чыхармалыдыр”.
Рыбаков бәјанатында буну да билдириб ки, Русијанын тактики нүвә силаһларынын Беларусда јерләшдирилмәсинин Нүвә Силаһларынын Јајылмамасы Мүгавиләсинә ујғун олараг һәјата кечириләҹәјини вә дөјүш башлыглары вә технолоҝијаларына нәзарәтин Русијанын әлиндә олаҹағыны билдириб.
342/
