Иранын хариҹи ишләр назири Һүсејн Әмир Абдуллаһиан вә сәудијјәли һәмкары Фејсәл бин Фәрһан телефон данышығында икитәрәфли разылашманын сон вәзијјәтини нәзәрдән кечирибләр.
Ики тәрәф мүбарәк Рамазан ајында икитәрәфли ортаг ҝөрүшүн кечирилмәсини мүзакирә едиб вә фикир мүбадиләси апарыблар.
Ики бөјүк Ислам өлкәсинин јүксәк сәвијјәли дипломатлары арасында данышыгларын әсас мөвзусу икитәрәфли әлагәләрин вә дипломатик мүнасибәтләрин там бәрпасына даир конструктив просес олуб.
Гејд едәк ки, Иран Ислам Республикасы вә Сәудијјә Әрәбистаны Краллығы бир мүддәт әввәл араларында дипломатик мүнасибәтләрин бәрпасы илә бағлы разылыға ҝәлибләр.
Разылашма Чинин васитәчилији илә Пекиндә, Иран Али Милли Тәһлүкәсизлик Шурасынын катиби Әли Шәмхани вә Сәудијјә Әрәбистанынын милли тәһлүкәсизлик үзрә мүшавири Мүсаид бин Мәһәммәд Әл-Әјбан арасында имзаланыб.
342/
