АБШ гырыҹылары ҹүмә ҝүнү сәһәр тездән Дејр-әз-Зорун шәргиндәки "Һәрабеш" мәһәлләсиндә јерләшән тахыл топлама мәркәзинә вә кәнд инкишаф мәркәзинә һүҹум едәрәк, бу јердә јанғына сәбәб олуб вә она зијан вуруб.
Һүҹума ҹаваб олараг, мүгавимәт гүввәләри ҹүмә ҝеҹәси 60 ракет вә камикадзе дронлары илә америкалы террорчуларын Суријадакы 25 гејри-гануни базасындан икисини һәдәфә алыблар.
"Иран Пресс"ин мәлуматына ҝөрә, Иран Хариҹи Ишләр Назирлијинин сөзчүсү Насир Кәнани АБШ ордусунун һүҹумуна ҹаваб олараг, дејиб: "АБШ ордусунун Суријада "ганунсуз" мөвҹудлуғуну давам етдирмәси, бу өлкәнин бәзи һиссәләрини ишғал етмәси, еләҹә дә орадакы мүхтәлиф һәдәфләрә һүҹум етмәси бејнәлхалг һүгугу, Суријанын милли суверенлији вә әрази бүтөвлүјүнү позур".
Кәнани сионист режимин сабитлији позан әмәлләри вә Американын сусгунлуғу вә ја бу сахта режим илә ајаглашмасына ишарә едәрәк, әлавә едиб: "Американын јаранмасында бөјүк рол ојнадығы ИШИД-лә мүбаризә үчүн Суријада олмасы илә бағлы иддиалары ишғалын давам етмәси вә енержи мәнбәләри вә тахыл да дахил олмагла Суријанын милли сәрвәтләринин талан едилмәси үчүн садәҹә бир бәһанәдир".
Кәнани, һәмчинин АБШ-ын сијаси вә һәрби рәсмиләринин Иран Ислам Республикасына гаршы иттиһамларыны рәдд едәрәк, дејиб: "Америка рәсмиләри һәмишә әсассыз вә сүбута јетирилмәмиш иттиһамлар ирәли сүрүр вә бу иттиһамлар әсасында һөкмләр верирләр, лакин Ағ Ев билмәлидир ки, бу үсул көһнәлмишдир".
О, әлавә едиб: "Һеч вахт унудулмајаҹаг ки, ҝенерал-лејтенант Сүлејмани вә Иранын террорла мүбаризә үзрә мәсләһәтчиләри силаһлы гүввәләр вә Сурија халгы илә јанашы террорла мүбаризәдә мүһүм рол ојнајыблар вә һазырда да Иран Ислам Республикасынын һәрби мәсләһәтчиләри Сурија һөкумәтинин мүраҹиәти әсасында вә бу өлкәјә террорла мүбаризә саһәсиндә көмәк етмәк мәгсәди илә Суријададыр".
342/
