Түркијәдә бир-биринин ардынҹа баш верән зәлзәләләрдән сонра мүхтәлиф шәһәрләрдә чөкән биналарла әлагәли олан 600-дән чох инсана гаршы арашдырмалар апарылыр.
Түркијә медиасы хәбәр верир ки, бунлар тикинти подратчылары, бина саһибләри вә мүһәндисләрдир.
Һазырда јохламалар давам едир вә биналарын чөкмәсиндә јени дәлилләрин ашкарланмасы ҹинајәт истинтагы үчүн әсас ҝөтүрүлүб.
Мүтәхәссисләр зәлзәләнин ардындан бир чох биналарын ашағы сәвијјәли тикинти материалларындан тикилдији вә дөвләт стандартларына ҹаваб вермәдији гәнаәтиндәдир.
Бәзи експертләр сон зәлзәләдә инсанларын әслиндә коррупсија вә рүшвәтин гурбаны олдугларыны дејирләр. Хүсусилә дә иншаат ишиндә олан подратчы ширкәтләр әсасән һакимијјәтә јахын ширкәтләрдир.
Нараһатлыг доғуран ҹидди мәгамлардан бири дә бундан ибарәтдир ки, баш верән фәлакәт тәкҹә инсан иткиләри дејил, ҹидди игтисади иткиләр дә доғуруб. Белә ки, зәлзәләнин өлкә игтисадијјатына тәсиринин там арадан галдырылмасы үчүн илләрлә узана биләр.
Гејд едәк ки, февралын 6-да оҹағы Түркијәнин Каһраманмараш шәһәринин Пазарҹык рајонунда олан 7,7 бал ҝүҹүндә вә 9 саат сонра еписентри ејни шәһәрин Елбистан рајону олан 7,6 бал ҝүҹүндә ики зәлзәлә олуб.
Тәбии фәлакәт Түркијә вә Суријада бөјүк дағынты вә онминләрлә иткијә сәбәб олуб. Түркијәнин зәлзәлә баш верән 10 шәһәриндә 3 ајлыг фөвгәладә вәзијјәт елан олунуб.
Бу һадисә Түркијәдә 1939-ҹу илдән бәри гејдә алынан ән ҝүҹлү зәлзәлә кими тарихә дүшүб.
Һадисә нәтиҹәсиндә 45 минә јахын инсан һәлак олуб.
342/
