Әмир Абдуллаһиан чәршәнбә ҝүнү Бағдадда ираглы һәмкары Фуад Һүсејнлә кечирдији бирҝә мәтбуат конфрансында дејиб ки, һеч кимә сирр дејил ки, Ираг һөкумәти Ирана гаршы санксијаларын арадан галдырылмасы илә бағлы кечирилән данышыгларын, Вјана данышыгларынын, еләҹә дә Авропа үчлүјү, АБШ вә Иран арасында кечирилән нүвә данышыгларынын јекунлашдырылмасы јолунда мүсбәт вә конструктив рол ојнајыб.
Әмир Абдуллаһиан әлавә едиб: "Теһран нүвә данышыгларыны јекунлашдырмаг үчүн әввәлки данышыглар вә Иран Ислам Республикасынын гырмызы хәтләри әсасында аддымлар атмаға һазырдыр; Әлбәттә америкалылар парадоксал шәрһләр вә месажлар верирләр. Бунунла белә, Иранын бу мәсәләдә јанашмасы мүсбәтдир вә Ислам Республикасы дипломатијаны ҝүҹләндирмәк јолунда данышыглара әл атыр, лакин АБШ тәрәфи фәргли бир јола үстүнлүк верәрсә, биз дә Б Планыны һәјата кечирмәјә вә фәргли бир јола ҝетмәјә һазырыг вә бүтүн вариантлар бизим үчүн мөвҹуддур вә масададыр".
Иранын хариҹи ишләр назири даһа сонра дејиб: "Бејнәлхалг Атом Енержиси Аҝентлијинин (МАГАТЕ) рәсмиләри јахын ҝүнләрдә Ирана сәфәр едәҹәкләр вә үмид едирик ки, МАГАТЕ-нин баш директору Рафаел Гросси техники бахышла вә сијаси һәјәҹандан узаг олараг, мәсәләләрин һәлли үчүн Атом Енержиси Тәшкилатындакы һәмкарларымла бир нәтиҹәјә вә разылыға ҝәләҹәк".
"Иран Ислам Республикасы һеч вахт нүвә силаһы вә атом бомбасы әлдә етмәјә ҹәһд етмәјиб вә Алимәгамлы Рәһбәрин фәтвасы да бу мәсәләни бир даһа тәсдигләјир", - о әлавә едиб.
Иранын хариҹи сијасәт идарәсинин рәһбәри чыхышынын башга бир һиссәсиндә дејиб: Иран Ираг парламентинин хариҹи гошунларын Ирагдан чыхарылмасы зәрурилији илә бағлы гәрарынын иҹрасында бу өлкә һөкумәти вә халгыны дәстәкләјир".
Бағдад вә Теһран арасында игтисади, тиҹарәт вә туризм әмәкдашлығына ҝәлинҹә, Әмир Абдуллаһиан Бәсрә-Шәләмче вә Кирманшаһ-Хосрәви-Мәнзәријјә-Бағдад дәмирјолларынын тамамланмасы һәр ики тәрәфин ҹидди ҝүндәлијиндә олдуғуну билдириб.
342/
