Иранлы һәмкары илә мүзакирә вә фикир мүбадиләси апармаг үчүн Теһрана сәфәр едән Русија хариҹи ишләр назиринин мүавини Александр Грушко базар ертәси Һүсејн Әмир Абдуллаһиан илә ҝөрүшүб вә данышыглар апарыб.
Иранын хариҹи ишләр назири бу ҝөрүшдә ики өлкә арасында әмәкдашлығын ҝүҹләнмәсини алгышлајыб вә бу әмәкдашлығын инкишаф етдирилмәси вә мөһкәмләндирилмәсинин ваҹиблијини вурғулајыб.
Әмир Абдуллаһиан һәмчинин реҝионал әмәкдашлығын ваҹиблијини вурғулајыб вә Иранын 3+3 форматында Русија, Иран, Түркијә вә үч Ҹәнуби Гафгаз өлкәсинин хариҹи ишләр назирләринин иҹласына ев саһиблији етмәјә һазыр олдуғуну билдириб.
Русија хариҹи ишләр назиринин мүавини Александр Грушко да өз нөвбәсиндә Иран вә Русијанын икитәрәфли, реҝионал вә бејнәлхалг сәвијјәдә бирҝә әмәкдашлығына тохунараг, бу әмәкдашлығын тәшвигини ваҹиб адландырыб.
