Суријанын "Әл-Вәтән" гәзети билдириб ки, Һумусун шәргиндә јерләшән Әл-Сухнә шәһәринин ҹәнуб-шәргиндә ИШИД-ин төрәтдији террор һүҹуму нәтиҹәсиндә ҝөбәләк јыған 53 Сурија вәтәндашы һәлак олуб.
Аҝентлик әлавә едиб ки, ИШИД террорчулары јахынлыгдакы әразидән иричаплы пулемјотлардан атәш ачараг, динҹ сакинләри һәдәфә алыблар, гурбанларын бәзиләри исә террорчулар тәрәфиндән саһәдә едам едилиб.
Јерли мәнбәләрин мәлуматына ҝөрә, һәлак оланлар Сурија Дахили Ишләр Назирлијинин "Глобал Иш Тәһлүкәсизлији" Департаментинин бир һәрбчиси вә ики әмәкдашы илә јанашы, 53 мүлки шәхсдир.
Сурија бөһраны 2011-ҹи илдә реҝионун параметрләрини сионист режимин хејринә дәјишмәк үчүн Сәудијјә Әрәбистаны, АБШ вә онларын мүттәфигләри тәрәфиндән дәстәкләнән террорчу групларын күтләви һүҹуму илә башлајыб.
Сурија ордусу Иранын һәрби мәсләһәтчиләринин көмәји вә Русијанын дәстәји илә бу өлкәдәки ИШИД террор груплашмасынын ишини бағлаја билиб. Диҝәр террор груплашмалары да мәғлуб едилир.
342/
