Түркијәнин “Анадолу” хәбәр аҝентлији ермәни ахтарыш-хиласетмә групунун Адыјамандакы ишини ишыгландырыб.
Түркијәнин “Анадолу” дөвләт хәбәр аҝентлији Ермәнистанын ахтарыш-хиласетмә групунун Адыјаман шәһәриндә ҝөстәрдији фәалијјәти ишыгландырыб.
“Анадолу” хәбәр верир ки, Ермәнистанын ахтарыш-хиласетмә групу Түркијәнин Адыјаман вилајәтиндә өтән һәфтә өлкәнин ҹәнубунда баш верән зәлзәләләрдән сонра сағ галанларын дағынтылар алтындан чыхарылмасы үчүн сәјләрини давам етдирир.
Ермәнистанын ахтарыш-хиласетмә групунун үзвү Гари Армаҝанјан “Анадолу” аҝентлијинә билдириб ки, Түркијәнин бејнәлхалг јардым истәмәсиндән сонра ермәни хиласедиҹиләр групу бөлҝәјә ҝедиб. Онлар өлкәјә февралын 7-дә Ермәнистан һөкумәтинин ҝөстәриши илә ҝәлибләр.
Груп даһа сонра зәлзәләләрдән ҹидди шәкилдә зәрәрчәкән Адыјаман вилајәтинә ҝетдијини билдирәрәк, о вахтдан бәри гурбанларын ахтарышыны давам етдирдикләрини билдириб.
“Түрк халгы әмин ола биләр ки, бу гаранлыг ҝүнләрдә бејнәлхалг иҹтимаијјәт, о ҹүмләдән Ермәнистан һәр ҹүр дәстәји вермәјә һазырдыр. Мән һеч вахт белә зәлзәлә ҝөрмәмишәм. Белә иримигјаслы дағынтылар индијәдәк һеч вахт мүшаһидә олунмајыб”, - дејә Армаҝанјан түрк халгына башсағлығы вериб.
“Анадолу” һәмчинин етник ермәни түрк милләт вәкили Гаро Пајланын “Тwиттер” һесабындан ситат ҝәтириб.
“Једдинҹи ҝүндә даһа ики мөҹүзә баш верди! Адыјаманда Түркијә вә Ермәнистан командаларынын әмәкдашлығы нәтиҹәсиндә даһа ики гыз сағ-саламат хилас едилиб. Һәмрәјлик һәјатлары хилас едир!”
Пајлан шәнбә ҝүнү Тwиттер-дә јазыб: “Түркијә Фәлакәт вә Фөвгәладә Һаллар Идарәси Башканлығы АФАД һејәти илә чијин-чијинә, Адыјаманда ермәни јардым групу сәккиз јашлы гызы сағ-саламат хилас етди”.
Анадолу әлавә едиб ки, зәлзәләдән зәрәр чәкмиш инсанлара Ермәнистанын һуманитар јардымыны чатдырмаг үчүн сон 30 илдә илк дәфә Түркијә илә Ермәнистан арасында гуру сәрһәди ачылыб.
342/
