Гаани чәршәнбә ҝүнү Суријанын шимал-гәрбиндәки Һәләб шәһәринә сәфәр едәрәк, Иранын зәрәр чәкмиш халга јардым ҝөстәрмәк үчүн јаратдығы мәркәзләрдән биринә баш чәкиб.
Сәфәрдән чәкилән ҝөрүнтүләрдә Гүдс гүввәләри командиринин шәһәрдә зәрәр чәкмиш ев тәсәррүфатларыны шәхсән јохладығы вә Иранын јардым миссијасынын вәзијјәти һаггында јахындан мәлумат алдығы ҝөстәрилир.
Теһран зәлзәлә баш верәндән индијәдәк Суријаја бир нечә транш јардым ҝөндәриб.
Базар ертәси ҝүнү сәһәр саатларында Түркијәнин ҹәнуб-шәргиндә вә Суријанын шимал-гәрбиндә баш верән 7,8 бал ҝүҹүндә зәлзәлә сон 100 илдә бөлҝәни вуран ән ҝүҹлү зәлзәлә олуб, ән азы 17 мин нәфәрин өлүмүнә, он минләрлә инсанын јараланмасына вә јүзләрлә бинанын дағынтыја чеврилмәсинә сәбәб олуб.
Шахталы һава шәраити сағ галанлары даһа да тәһлүкә алтына алыр вә хиласетмә ишләрини чәтинләшдирир, белә ки, бөлҝәдә јүзләрлә артчы тәканлар баш вериб.
Иран рәсмиләри, о ҹүмләдән президент Сејид Ибраһим Рәиси вә хариҹи ишләр назири Һүсејн Әмир Абдуллаһијан Теһранын Сурија вә Түркијә һөкумәтләри вә халгларына дәстәк вермәјә һазыр олдуғуну вурғулајыблар.
Ҝүнүн әввәлиндә Ислам Ингилабынын Алимәгамлы Рәһбәри Ајәтуллаһүл-үзма Сејид Әли Хаменеи зәлзәләдән зәрәр чәкмиш халглара башсағлығы вериб вә Теһранын јардымларынын давам едәҹәјини вурғулајыб.
342/
