Фокс-Нјус һәмчинин јазыбдыр ки, Иран ордусунун јүксәк рүтбәли команданлары сөзүҝедән базанын тәгдиматы заманы Исраил режиминә һәдәләјиҹи месаж ҝөндәрибләр.
Иран чәршәнбә ахшамы ҝүнү рәсми шәкилдә илк јералты һава базасынын тәгдиматыны кечирди. Бу база узаг мәнзилли Круз ракетләри вә гырыҹылары јерләшдирмәк габилијјәтинә маликдир.
Иран рәсмиләри дә ордунун мүхтәлиф әмәлијјатларынын даһа јахшы иҹра олунмасы истигамәтиндә базанын имканлары һагда данышмагла јанашы, әсас дүшмән олан Исраил режими барәдә һүҹум характерли ифадә тәрзиндән истифадә едибләр.
Бу сөзләрин фонунда гејд едәк ки, Иран илә Исраил режими арасында ҝәрҝинлијин хүсусән Бенјамин Нетанјаһунун Исраил режиминин баш назирлијинә сечилмәсинин ардынҹа јүксәлмәси давам едиб.
Иранын бир мүдафиә експерти рәгәмсал Фокс Нјус-а дејибдир ки, сөзүҝедән базанын тәгдиматы бир мүддәт бундан өнҹә Иран Ислам Республикасынын тәһлүкәсизлик сијасәтиндә мүшаһидә олунан ҝедишатын давам етмәсинин нишанәсидир.
Иран бундан габаг јер алтындан баллистик ракетләр атмаг имканына малик олдуғуну ҝөстәрмәклә јанашы, ПУА вә ракет јерләшдирмәк үчүн охшар јералты базалары нүмајиш етдирибдир.
Иран Ислам Республикасы Силаһлы Гүввәләринин Баш Гәрарҝаһ рәиси ҝенерал-лејтенат пасдар Мәһәммәд Багири вә Иран Ислам Республикасы Ордусунун баш команданы ҝенерал-лејтенант Әбдүррәһим Мусәви ордунун “Огаб-24” тактики һава базасында олублар.
Сөзүҝедән авиабаза ордунун һава гошунларынын пилотсуз учуш апаратлары, һәмчинин гырыҹы-бомбардманчы тәјјарәләрини гәбул етмәк вә әмәлијјата ҝөндәрмәк габилијјәтинә маликдир.
“Огаб-44” тактики һава базасы јанаҹаг анбарлары, һава лиманы вә навигасија аваданлыглары, тәјјарәнин сахланылмасы вә тәмири мәркәзләри, ангарлар, команданлыг посту, алерт вә саир кими мәканлара маликдир.
342/
