Сионист режимин ифратчы һөкумәтинин һакимијәтә ҝәлмәсилә фәләстинлиләрин мәнзилләринин дағыдылмасы вә дүнја иҹтимаијјәтинин сүкуту сајәсиндә сионист гәсәбәсалмаларын ҝенишләнмәси сон дәрәҹә ҝенишләнибдир.
Бу хәбәри верән сионист режимин “Кан” телеканалы әлавә едиб ки, бу режимин башчылары “Гәддум вадиси” кәндиндә ири бир јашајыш бинасыны учурмаға һазырлашырлар.
Дағынты әмәлијјатынын дәгиг заманына тохунмаајн “Кан” јалныз билдириб ки, бу иш гаршыдакы ҝүнләрдә һәјата кечириләҹәк.
Һәмчинин сионист режим мәһкәмәси базар ҝүнү шәһид Мәһәммәд Әлҹәәбәринин Әлхәлил шәһәриндә јерләшән мәнзилинин учурулмасы барәдә һөкм чыхарыб.
Фәләстинли дөјүшчү Мәһәммәд-Камал Әлҹәәбәри 2022-ҹи илин нојабрында Әлхәлллдә јерләшән сионистсакинли “Крајат Арба” гәсәбәсиндә кечирдији бир анти-сионист әмәлијјатда бир сионисти өлдүрдү, беш сионисти исә јаралады.
Бу истигамәтдә сионист режимин баш назири Бенјамин Нетанјаһу дүнән өз назирләр кабинетинин Гәззә золағынын јахынлығындакы әразидә јени бир сионистсакинли гәсәбәнин иншасы илә разылашдығыны билдирди.
Нетанјаһунун назирләр кабинетиндә сионист вә һареди партијаларынын ҝениш шәкилдә тәмсил олунмасы Нетанјаһунун өнҹәки разылашмаја әсасән, онлары разы салмаг үчүн имтијазлар вермәсинә сәбәб олубдур.
342/
