Иранын Мәһкәмә Һакимијјәтинин башчысы Гуламһүсејн Мөһсени-Ежеинин Һәзрәт Ајәтуллаһүл-үзма Хаменеијә тәгдим етдији тәклифдән сонра Алимәгамлы Рәһбәр сон һадисәләрдә һәбс едилмиш чохлу сајда мәһкумун, еләҹә дә үмуми, ингилаби вә һәрби мәһкәмәләр тәрәфиндән мәһкум едилмиш шәхсләрин әфв едилмәси вә ҹәзасынын јүнҝүлләшдирилмәси һаггында фәрман имзалајыб.
Һүҹҹәтүл-Ислам вәл-мүслимин Гуламһүсејн Мөһсени Ежеинин Ислам Ингилабынын Алимәгамлы Рәһбәринә үнванладығы мәктубда дејилир: "Сон һадисәләр заманы бир сыра инсанлар, хүсусилә дә ҝәнҹләр, дүшмәнләрәин тәһрик вә тәблиғаты нәтиҹәсиндә јанлыш давраныш вә ҹинајәтләр төрәдибләр. Һансы ки, өзләринин әзијјәт чәкмәси илә јанашы аиләләринә вә јахынларына да проблем јарадыблар. Инди онларын бөјүк бир һиссәси хариҹи дүшмәнләрин вә анти-ингилабчы вә халг әлејһинә ҹәрәјанларын планларыны ифша едиб пешманлыг ҝөстәрдикдән сонра бағышланма диләјирләр".
Әдлијјә башчысы мәктубунда јазыб: "Тәгсирләндирилән вә мәһкум едилмиш шәхсләрин әфв едилмәсинин вә ҹәзасынын јүнҝүлләшдирилмәсинин үмуми шәртләри експертиза иши апарылдыгдан вә сәлаһијјәтли органларла мәсләһәтләшдикдән сонра ики һиссәдән ибарәт һазырланыб".
Бу мәктубун биринҹи һиссәсиндә сон һадисәләрлә бағлы тәгсирләндирилән вә мәһкум олунмуш шәхсләрә амнистија верилмәсинин вә ҹәзанын јүнҝүлләшдирилмәсинин шәртләри ачыгланаркән, гејд олунан тәләбләри јеринә јетирдикләри тәгдирдә тәгсирләндирилән вә мәһкум едилмиш шәхсләрин ишләринин истәнилән мәрһәләдә бағланаҹағы вурғуланмышдыр.
Сон иғтишашларда мәһкум едилмиш шәхсләр әҹнәбиләрин хејринә ҹасуслуг етмәк, хариҹи кәшфијјат хидмәтләринин аҝентләри илә бирбаша әлагәдә олмаг, гәсдән адам өлдүрмә вә ја хәсарәт јетирмә, дөвләт, һәрби вә иҹтимаи објектләри мәһв едиб, јандырмаг һаллары истисна олмагла вә хүсуси иддиачы олмадығы тәгдирдә әфв едиләҹәк вә ја ҹәзалары јүнҝүлләшдириләҹәкдир.
Әдлијјә органынын рәһбәринин үмуми, ингилаби вә һәрби мәһкәмәләрин һөкмү илә мәһкум едилмиш шәхсләрин әфв едилмәси вә ҹәзанын јүнҝүлләшдирилмәси илә бағлы мүраҹиәтинин икинҹи һиссәсиндә дә бир сыра шәртләр ирәли сүрүлүб.
Һүҹҹәтүл-Ислам вәл-мүслимин Гуламһүсејн Мөһсени Ежеинин мәктубунда бир нечә категорија бу амнистијадан истисна едилиб. О ҹүмләдән, одлу силаһ алвери илә мәшғул оланлар, силаһлы сојғунчулуг вә оғурлуг едәнләр, наркотик вә һалүсиноженләрлә бағлы ҹинајәтләр төрәдәнләр, коррупсија вә фаһишәлик мәркәзләри јарадан шәхсләр, системли вә мүнтәзәм шәкилдә спиртли ичкиләрин, малларынын вә валјутанын гачагмалчылығы илә мәшғул оланлар, игтисади системин сабитлијини позмагда, дахили вә хариҹи тәһлүкәсизликлә бағлы ҹинајәтләрдә тәшәббүс ҝөстәрәнләр вә ја иштирак едәнләр бу үмуми әфв фәрманындан истисна едибләр.
342/
