Иран Милли Тәһлүкәсизлик Шурасына јахын Нур-Нјус порталынын јени твитиндә јазырлыр: Әҝәр Азәрбајҹан һөкумәти, арвадынын гачаг јолла бу өлкәјә апарылдығы вә Бакынын бу мәсәләјә ајдынлыг ҝәтирмәдији шәхсин ағылсыз һәрәкәтини террор акты һесаб едирсә, о заман Ирана Азәрбајҹан паспорту илә дахил олараг Шаһчырағ зијарәтҝаһында зәвварларын шәһид едилмәси ҹинајәтинә ҝөрә ҹавабы нәдир!?
Иранын бу ирадлары һәлә ки ҹавабсыз галыр. Вә рәсми Бакы гаранлыг мәгамлара ајдынлыг ҝәтирмәк јеринә Теһрандакы сәфирлијинин фәалијјәтини дајандырды. Азәрбајҹан сәфирлијинин бағланмасына охшар аддым 2007-ҹи илдә Авропа дөвләтләри тәрәфиндән һәјата кечирилмишди. Авропа Иттифагына үзв өлкәләр АБШ-ын тәзјиги илә 2007-ҹи илдә Теһрандакы сәфирликләрини бағладылар. Амма онларын бу һәрәкәти конкрет нәтиҹә вермәдикдә, бир нечә ај сонра һеч бир конкрет сәбәб ҝөстәрмәдән сәфирләрини Теһрана ҝери гајтардылар.
Бу арада ҝөрүнән одур ки, Азәрбајҹан Республикасынын Теһрандакы сәфиринин гајыдышы Гәрб сәфирләринин гајытмасындан бир гәдәр фәргли олаҹаг. Бу јахынларда баш вермиш фаҹиәви һадисәјә нәзәр салараг гејд едәк ки, өтән ҹүмә ҝүнү силаһлы шәхс аилә-мәишәт зәмининдә Азәрбајҹан Республикасынын Теһрандакы сәфирлијинә һүҹум едиб. Бу һүҹумда сәфирлијин әмәкдашларындан бири һәлак олуб, икиси исә јараланыб. Һадисәдән дәрһал сонра Иран Ислам Республикасынын һакимијјәт органлары Азәрбајҹан Республикасынын һакимијјәт органлары илә әлагә сахлајыб вә Азәрбајҹан тәрәфини һүҹумун террор характерли олмадығына вә там арашдырма апарылаҹағына әмин едибләр. Рәсми Бакы исә 27 јанвар һадисәсинин террор акты олмасына дәлаләт едән фактлары ҝөстәрмәкдә чәтинлик чәкир вә һазырда садәҹә олараг сионистләрдән мәсләһәт алараг анти-Иран мөвгејини давам етдирир, лакин бунларын Бакыја һансыса дивидент газандыраҹағы мүмкүн дејил. Чүнки Иран тәрәфи һадисә илә әлагәдар бүтүн адекват тәдбирләри ҝөрүб вә шәффаф тәһгигат ҹәрәјан едир. Она ҝөрә дә емосијаја гапылмыш Әлијев һакимијјәти бир мүддәт сонра Азәрбајҹан сәфирлијинин ади иш режиминә гајытарылмасына мәҹбурдур, әлбәттә өзүнү сионистләрин тәләсиндән хилас едә биләрсә.
342/
