"Иран Пресс"ин мәлуматына ҝөрә, Исфаһанын мүдафиә сәнајеси објектләриндән бириндә баш верән партлајышдан сонра Иранын Мүдафиә вә Силаһлы Гүввәләрә Дәстәк Назирлији бир бәјанат јајараг, бу уғурсуз һүҹумун јанварын 28-дә јерли вахтла саат 23:30 радәләриндә баш вердијини ачыглајыб.
Бәјанатда әлавә едилиб: "Бу уғурсуз һүҹум инсан тәләфаты илә нәтиҹәләнмәмиш вә објектин дамына кичик зијан дәјмишдир ки, бу да Аллаһа шүкүр комплексин аваданлыг вә вәзифәләриндә насазлыға сәбәб олмамышдыр".
Бәјанатда даһа сонра дејилир: "Мүдафиә Назирлији вә Силаһлы Гүввәләрә Дәстәк Назирлији гүрурлу Иран халгыны әмин едир ки, өлкәнин гүдрәти вә тәһлүкәсизлији үчүн зәрури еһтијаҹлары истеһсалы мәркәзләримизин фәалијјәти сүрәтлә вә ҹидди шәкилдә давам едәҹәк вә бу ҹүр кор-коранә тәдбирләрин өлкәнин тәрәггисинин давам етдирилмәсинә һеч бир тәсири олмајаҹаг".
342/
