Иранын дахили ишләр назири Әһмәд Ваһиди Азәрбајҹан Республикасынын Теһрандакы сәфирлијиндә баш верәнләрдән тәәссүфләндијини билдириб вә дејиб ки, Теһрандакы Бакы сәфирлијинә һүҹумун мотиви шәхсидир.
Әһмәд Ваһиди әлавә едиб: "Индијә гәдәр бизә чатан хәбәрләрә әсасән вә һүҹум едән шәхсин етирафына ҝөрә, бу һадисә тамамилә шәхси характер дашыјыр вә она ујғун давранылмалыдыр".
Дахили ишләр назири сөзләринин давамында бу һадисәдән тәәссүфләндијини билдириб вә һәјатыны итирән Азәрбајҹан Республикасы вәтәндашынын аиләсинә башсағлығы вериб.
Ҹүмә ҝүнү сәһәр саатларында силаһлы шәхс Азәрбајҹан Республикасынын Сәфирлијинә автоматла басгын едиб, нәтиҹәдә сәфирлијин бир әмәкдашыны өлдүрүб, ики нәфәр исә јаралајыб.
Иран Ислам Республикасы президенти Сејид Ибраһим Рәиси бәдбәхт һадисәни ешитдикдән дәрһал сонра мәсәләнин һәртәрәфли арашдырылмасына ҝөстәриш вериб.
342/
