"АБНА"-нын Малајзијаја езам олунмуш мүхбиринин вердији мәлумата ҝөрә, Ресто Дүнја Гуран Сәнәти Фестивалынын ән бөјүк Гуран нүсхәсинин тәгдимат мәрасими Иран Ислам Ҹүмһуријјәтинин рәсмиләринин иштиракы илә кечирилиб.
Бу фестивал јанварын 20-дә сәһәр Путраҹајада јерләшән Ресто Малајзија Фондунун Гуран Нәшријјат Мәркәзиндә башлајыб.
Ресто фестивалынын сәһәр мәрасиминдә Иран Ислам Ҹүмһуријјәтинин Малајзијадакы сәфири вә мүшавири, һәмчинин Түркијә вә Ирагын Малајзијадакы мүшавирләринин иштиракы илә Гуранын ән бөјүк нүсхәсинин тәгдимат мәрасими кечирилиб.
Иранын мүшавиринин сөзләринә ҝөрә, бу мүсһәфин узунлуғу сәккиз метр алтмыш сантиметр, ени беш метр, чәкиси 1500 килограм вә 429 сәһифәси вар.
Һәмчинин бу мәрасимдә Ресто Фондунун малајзијалы рәссамлары тәрәфиндән ајәләрә ҝөзәл һәкк олунмуш вә рәссамларын әлләри илә бәзәдилмиш “Әл-Вагиә” сурәсинин таблосунун тәгдиматы олуб.
342/
