"АБНА"-нын Малајзијаја езам олунмуш мүхбиринин вердији мәлумата ҝөрә, Малајзијанын Бејнәлхалг Гуран Фестивалы Иранын бу өлкәдәки мәдәни мәсләһәтчилијинин әмәкдашлығы вә Ислам Мәдәнијјәти вә Рабитә Тәшкилатынын јардымы илә Малајзијанын бир сыра гурумлары, о ҹүмләдән Ресто Фонду тәрәфиндән тәшкил олунуб. Јанварын 29-на гәдәр 10 ҝүн әрзиндә бүтүн зијарәтчиләри, хүсусилә ушаглары вә аиләләри гаршыламаға һазырдыр.
Иранын Малајзијадакы сәфири Әли Әсҝәр Мәһәммәди вә Түркијәнин дини мүшавиринин иштиракы илә кечирилән ачылыш мәрасиминдә иранлы гари Әлирза Биҹани Гурандан ајәләр охујуб.
Бу 10 ҝүнлүк фестивалда мүхтәлиф сәрҝи бөлмәләри вар; о ҹүмләдән Пејғәмбәр (с) вә онун сәһабәләри илә бағлы гәдим әшјаларын сәрҝиси, Кәбә пәрдәсинин сәрҝиси, Ресто Фондунун мәһсулларынын сәрҝиси вә дүнјанын ән бөјүк "Сирә" (һәјат тәрзи) китабынын сәрҝиси вар.
Бу бејнәлхалг фестивалда мүхтәлиф тәдбирләр планлашдырылыб. Онларын арасында инҹәсәнәт әсәрләри ауксиону, һалал мәһсуллар базары, анимасија фестивалы вә рәнҝләмә кими ушаглар үчүн хүсуси тәдбирләри гејд етмәк олар.
342/
