Әл-Мәјадин" телеканалынын мәлуматына ҝөрә, Фәләстин кимлијини вурғуламаг, ишғалчыларын гәрарларына вә бу кимлији мәһв етмәк ҹәһдләринә гаршы чыхмаг үчүн фәләстинлиләр ҝәлән ҹүмә ахшамы өлкә сәмасында гырх мин бајраг уҹалтмаг үчүн кампанијаја һазырлашырлар.
Бу кампанија Исраилин дахили тәһлүкәсизлик назири Итамар Бен Гвирин Фәләстин бајрағынын галдырылмасынын гаршысыны алмаг гәрарына ҹаваб олараг һәјата кечирилир.
Фәләстинли фәал "Салеһ Диаб" дејиб ки, Фәләстин бајрағы бу Фәләстин торпағынын халгынын символудур вә биз ону Гүдс азад олунана гәдәр далғаландыраҹағыг.
Јахын ҝүнләрдә 40 илини ишғалчыларын һәбсханаларында кечирән Маһир Јунус азад едиләҹәк вә фәләстинлиләр Фәләстин сәмасында вә гачгын дүшәрҝәләриндә 40 мин бајраг галдырмаға һазырлашырлар.
Кечән ај сионист гәсәбә сакинләринин јүрүшү заманы бир пилотсуз тәјјарә Фәләстин бајрағыны Гүдс диварлары вә минләрлә Исраил бајрағынын үзәриндән кечирди.
Исраил сон 75 илдә бүтүн зоракылыглары вә ҹинајәткарлыгларына рәғмән фәләстинлиләрин кимлијини вә дилини мәһв едә билмәјиб вә фәләстинлиләр бүтүн фәдакарлыглара бахмајараг, бу ҝүн өз бајрағыны галдырмагдан ҝери чәкилмәјәҹәкләр.
342/
