Ваһан Һунанјан Армен-Пресс илә мүсаһибәдә вурғулајыб ки, бәјанатда јалныз бир дәһлиздән бәһс олунур, о да бир ајдан чохдур ки, Азәрбајҹанын гејри-гануни шәкилдә блокада сахладығы Лачын дәһлизидир.
Онун сөзләринә ҝөрә, Азәрбајҹан президенти Илһам Әлијев сон бәјанатлары илә нәһајәт, ачыг шәкилдә бәјан едир ки, гондарма Зәнҝәзур дәһлизи илә бағлы сәсләндирилән иддиаларын нојабрын 10-да гәбул едилмиш үчтәрәфли бәјанатла һеч бир әлагәси јохдур.
Һунанјан әлавә едиб ки, Ермәнистан 10 нојабр бәјанатына ујғун олараг реҝионда бүтүн нәглијјат вә игтисади инфраструктурларын ачылмасында мараглыдыр. Бу, өлкәләрин суверенлијинин вә јоллар үзәриндә јурисдиксијасынын горунмасы илә бағлы әлдә едилмиш разылашмалар чәрчивәсиндә һәјата кечирилә биләр. Ејни заманда, Ермәнистан һеч вахт екстратерриториал дәһлизин верилмәсинә разы олмајаҹаг.
Ермәни рәсми сонра Азәрбајҹан тәрәфини иттиһам едиб ки, 10 нојабр 2020-ҹи ил тарихли үчтәрәфли бәјанатда нәзәрдә тутулмуш бејнәлхалг өһдәликләрини кобуд шәкилдә позараг, бир ајдан артыгдыр ки, 120 мин Гарабағ ермәнисини мүһасирәдә сахлајыр вә онлары мәгсәдјөнлү шәкилдә һуманитар фәлакәтә сүрүкләјир.
Ваһан Һунанјан иддиа едиб ки, Азәрбајҹан дөвләтинин һәдәфи Дағлыг Гарабағы етник тәмизләмәјә мәруз гојмаг, Гарабағ ермәниләрини өз вәтәнләриндә јашамаг имканындан вә өз вәтәниндә јашамаг һүгугундан мәһрум етмәкдир.
342/
