Ислам Әмәкдашлыг Тәшкилаты (ИӘТ) Исраилин Әгса мәсҹидинә гаршы тәхрибат характерли һәрәкәтләри илә әлагәдар чәршәнбә ахшамы фөвгәладә иҹлас кечирәҹәк.
ИӘТ-дән верилән јазылы бәјанатда Исраилин ишғал алтындакы Гүдсдә ҝәрҝинлији артырмасы вә Әгса мәсҹидинә гаршы тәхрибат характерли һәрәкәтләриндән сонра нөвбәдәнкәнар иҹласын кечирилмәси илә бағлы гәрарын верилдији билдирилиб.
Бәјанатда Әгса мәсҹидинә гаршы ән мүһүм тәхрибатын Исраилин ифрат сағчы милли тәһлүкәсизлик назири Итамар Бен-Гвирин јанварын 3-дә һәјата кечирдији басгын олдуғу билдирилиб.
Бәјанатда һәмчинин Бен-Гвирин һәјата кечирдији басгынын Исраилин Әгса мәсҹидинин тарихи вә һүгуги статусуну дәјишдирмәк сәјләринин бир һиссәси олдуғу вурғуланыб.
Хатырладаг ки, Исраилин милли тәһлүкәсизлик назири Итамар Бен-Гвир јанварын 3-дә Исраил полисинин мүһафизәси алтында Әгса мәсҹидинә басгын едиб.
Гејд едәк ки, тәхрибатчы һәрәкәтләри илә танынан ифрат сағчы Бен-Гвир 5 илдән сонра Мәсҹидүл-Әгсаја дахил олан илк Исраил назири олуб. (сһафагна)
342/
