Ислам Ингилабы Кешикчиләри Корпусу Америка һөкумәтинин ҝенерал-лејтенант пасдар Гасим Сүлејманијә гаршы террор һәрәкәтинә ҹаваб олараг, 2020-ҹи ил јанварын сәккизиндә он әдәддән чох ракетлә Американын Ирагын Әләнбар вилајәтиндә јерләшән Әјнүләсәд базасыны һәдәфә алды.
Һәмин әмәлијјатда Фатеһ-313 вә Гијам типли он үч баллистик ракет Әјнүләсәд базасына атылды. Сепаһ-ын һава-космос гошунларынын команданы бригада ҝенералы пасдар Әмир-Әли Һаҹызадәнин дедијинә ҝөрә, ракетләр дәгигликлә өз һәдәфләринә дүшмәклә американларын бу базадакы мүһүм һәрби аваданлыгларыны мәһв етдиләр.
Американын озаманкы президенти Доналд Трамп Сепаһ-ын ракет әмәлијјатындан сонра иддиа етди ки, Иранын Әјнүләсәд базасына гаршы ракет һүҹумунда өлән вә јараланан олмајыб, амма Пентагон елә һәмин илин февралында билдирди ки, јүз доггуз америкалы һәрбчи бејни травмасы алыб.
Американын ҸНН телеканалы, һәмчинин бәзи Авропа медиалары һәмин һүҹумдан сонракы илк ҝүнләрдә өз мәлуматларында, америкалы әсҝәр вә һәрбчиләрин Иранын ракет һүҹуму ҝеҹәсиндәки горхулары вә Әјнүләсәд базасындакы гарышыг дурумдан сөз ачдылар.
ҸНН-ин вә диҝәр медиаларын Әјнүләсәд базасы барәдә јајдыглары тәсвирләр американларын тәсисатларынын дағылмасынын ҝениш һәҹминдән хәбәр верирди.
Амеика ордусунун мәркәзи гәрарҝаһынын озаманкы рәиси ҝенерал Маккензи етираф етди ки, бундан өнҹә белә бир һүҹум ҝөрмәјиб вә Сепаһ-ын ракетләри америкалы һәрбчиләрин башларына јағдылар.
Сепаһ-ын баш команданы ҝенерал-лејтенант пасдар Һүсејн Саламинин о заман билдирдији кими, Иранын Американын террорчу һәрәкәтинә ҹавабы вә Әјнүләсәд базасына һүҹуму стратежи, лакин мәһдуд бир аддым кими бејнәлхалг тәсирә малик олуб. Зира Иран Ислам Республикасы бир јердә, Американы дурдурмалы вә она анлатмалы иди ки, Иран гаршысындакы һесабламаларына јенидән нәзәр салмалыдыр.
342/
