Һүсејн Әмир-Абдуллаһијан дүнән ҝеҹә Әлҹәзаир хариҹи ишләр назири Рәмтан Ләмамра илә телефон данышығында онунла, франсыз нәшрин ислами дәјәрләрә гаршы налајиг һәрәкәтләри вә сионист режим тәрәфиндән Мәсҹидүләгсаја едилән сон һөрмәтсизлик дә дахил олмагла Ислам дүнјасы вә реҝион олајлары, һабелә икитәрәфли мәсәләләр саһәсиндә ики өлкәнин ҹидди-ҹәһд ҝөстәрдији ән мүһүм мөвзулар әтрафында фикир мүбадиләси апарыб.
Сионист режимин Мәсҹидүләгсаја гаршы һөрмәтсизлијинә, һәмчинин франсыз нәшрин ислами дәјәрләрә вә дини мәрҹәијјәтә гаршы һәјасызлығына тохунан Иран рәсмиси мүгәддәс мәканлар вә дини дәјәрләр әлејһинә налајиг һәрәкәтләрин дурдурулмасы үчүн кәсәрли гануни вә бејнәлхалг бир механизмин јарадылмасыны истәјиб.
Сионистләрин Мәсҹидүләгсаја гаршы һөрмәтсизлијини, һәмчинин франсыз журналын һәјасызҹасына һәрәкәтини писләјән Әлҹәзаир хариҹи ишләр назири дә Бирләшмиш Милләтләр Тәшкилаты вә Ислам Әмәкдашлыг Тәшкилаты да дахил олмагла бејнәлхалг органларда ислами өлкәләр арасындакы һәмкарлыгларын ҝүҹләндирилмәси ваҹиблијинә тәкид едиб.
342/
