АБШ полисинин зоракылыгларыны изләјән бир гејри-коммерсија тәдгигат групу ҹүмә ҝүнү билдириб ки, АБШ һүгуг-мүһафизә органлары 2022-ҹи илдә ән азы 1176 нәфәри өлдүрүб.
"Гарадәрилиләрин һәјаты өнәмлидир" һәрәкаты илә әлагәдә олан "Маппинҝ Полиҹе Виоленс" јәни полисин зоракылығыны изләмә групу билдириб ки, 2022-ҹи илдә полис тәрәфиндән ҝүлләләнмә, дөјүлмә, електрик ҹәрәјаны вурма вә һәбс едиләрәк өлдүрүләнләрин сајы 2021-ҹи иллә мүгајисәдә 31 нәфәр чохдур.
1176 нәфәрин өлдүјүнү ҝөстәрән 2022-ҹи илин статистикасы 2013-ҹү илдән бәри ән јүксәк ҝөстәриҹидир.
Кечән ил полисин һеч кәси өлдүрмәдији ҹәми 12 ҝүн гејдә алыныб. Мәлумата әсасән, өтән ил АБШ полиси һәр ҝүн орта һесабла үч нәфәрдән чох вә ја һәр ај тәхминән 100 нәфәри өлдүрүб.
Бу гәтлләрин 132-и (11%) һеч бир ҹинајәтин иддиа едилмәдији һаллар олуб. 98 гәтл (8%) јол һәрәкәти гајдаларынын позулмасына ҝөрә, полислә тоггушма нәтиҹәсиндә баш вериб.
Һәмчинин полис тәрәфиндән өлдүрүләнләрин 24 фаизи гарадәрили олуб.
Експертләр бу статистиканы гарадәрилиләрә гаршы даһа чох полис зоракылығынын ҝөстәриҹиси һесаб едирләр, чүнки гарадәрилиләр Америка әһалисинин 13%-ни тәшкил едир.
342/
