Мәлуматда билдирилиб ки, бу мәсәлә Түркијә Тиҹарәт Назирлији тәрәфиндән Түркијә ихраҹатчы бирликләринә чатдырылыб.
Гејд едәк ки, Түркијә Ермәнистанла рәсми әлагәләрә малик олмаға сәј ҝөстәрсә дә “ермәни сојгырымы” иддиасына ҝөрә бу мүмкүн олмајыб. Белә ки, рәсми Ирәван Түркијәнин бу иддиа илә бағлы үзр истәмәси вә компенсасија өдәмәсини тәләб едир вә долајысы илә рәсми Анкара илә мүнасибәтләри бунунла шәртләндирир.
Буна бахмајараг Түркијә Ермәнистанла мүнасибәтләрин нормаллашмамасыны бу өлкәнин Азәрбајҹан Республикасына гаршы ишғалчылыг сијасәти илә бағлы ҝөстәрмәјә чалышыб.
Совет Иттифагынын дағылмасындан сонра Түркијә Ермәнистанла рәсми мүнасибәтләрә малик олмаса да ики өлкә ширкәтләри арасында тиҹарәт әлагәләри һеч вахт кәсилмәмишдир.
Икинҹи Гарабағ мүһарибәсиндән сонра рәсми Анкара вә Ирәван арасында мүнасибәтләрин нормаллашмасы истигамәтиндә аддымлар атылыб.
Түркијә Сердар Кылычы, Ермәнистан исә Рубен Рубенјаны мүнасибәтләрин нормаллашмасы үзрә хүсуси нүмајәндә тәјин едиб. Онларын илк ҝөрүшү 2022-ҹи ил јанварын 14-дә Русијанын пајтахты Москвада кечирилиб. Икинҹи вә үчүнҹү ҝөрүш исә февралын 22-дә вә мајын 3-дә Австријанын пајтахты Вјанада баш тутуб.
Бу ил октјабрын 6-да Чехијанын пајтахты Прагада Түркијә Президенти Рәҹәб Тајјиб Әрдоған вә Ермәнистанын баш назири Никол Пашинјан арасында ҝөрүш олуб. Прага ҝөрүшү Н.Пашинјанын 2018-ҹи илдә һакимијјәтә ҝәлмәсиндән сонра Түркијә Президенти илә илк ҝөрүшү олуб.
342/
